Okuvaayo 24:2 - Baibuli Ekibono kya Katonda 2014

² Iwe Musa niiwe wenka oidha okuseeta ye ndi, aye abantu abandi boonaboona, bataseeta. Era abantu ababuliidho bataniina ku lusozi n'iwe naire.”

Okuvaayo 24:2 ပူးပေါင်းရင်းမြစ်များ

Okuvaayo 19:12

Era ja oteegho ensalosalo olusozi kwe lukanga, okobe abantu beegendereze obutaja ku lusozi waire okutuuka okumpi n'ensalosalo eyo. Oyo yeenayeena anaaniina ekigere ku lusozi olwo ali n'okwitibwa.

Okuvaayo 20:21

Era abantu baasigala nga bakaayemereire ghala, aye Musa ng'ali kuseeta y'ekire ekigemu Katonda mwe yali.

Okuvaayo 24:1

Agho Musengwa Katonda yaakoba Musa ati: “Iwe, ni Aaroni, ni Nadabu, ni Abihu, aghalala n'abakulu ab'ebikunsu mu Isiraeli nsanvu, muniine olusozi nga mwidha ye ndi nze. Aye bwe munaaba nga mukaali ghalaku, musooke mukube amakiryaivu munsinze.

Okuvaayo 24:13

Kale Musa yaasituka ni Yoshua eyamuyambangaku, era Musa yaaniina ku lusozi lwa Katonda.

Okuvaayo 24:15

Agho Musa yaaniina ku lusozi era ekire kyalughembaku.

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 24:3

Agho Musa yaaja yaakobera abantu ebyo byonabyona Musengwa Katonda bye yamukoba era n'ebiragiro. Era abantu boonaboona bairamu n'omwoyo mulala bati: “Ebyo byonabyona Musengwa Katonda by'atukobye twidha kubikola.”

Yeremia 30:21

Mu ighanga lyaibwe lyene n'omuliva alibafuga; kyabazinga waibwe aliva mu beene. Ndimala kumweta memale yaaseeta ye ndi. Ghaligho akana n'aseeta ye ndi ku bubwe yenka? Nze Musengwa Katonda, ninze nkobye.”

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.