Okuvaayo 24:18 - Baibuli Ekibono kya Katonda 2014

¹⁸ Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 24:18 ပူးပေါင်းရင်းမြစ်များ

1 Bakyabazinga 19:11

Musengwa Katonda yaakoba ati: “Fuluma, oje oyemerere ku lusozi mu maiso gange.” Agho Musengwa Katonda yaabitagho, kiwunga ow'amaani yaayuzayuza ensozi era yaamenhamenha embaale emberi wa Musengwa Katonda. Aye Musengwa Katonda nga tali mu kiwunga oyo. Kiwunga bwe yamala okubita, ghaabaagho musisi, yaatengeesa ensi. Aye Musengwa Katonda nga tali mu musisi oyo.

1 Bakyabazinga 19:8

Eliya yaasituka yaalya era yaanhwa. Eby'okulya ebyo byamugha amaani, yaatambula enaku amakumi ana (40) omusana n'obwire, yaatuuka ku Sinai olusozi lwa Katonda.

Okuvaayo 19:20

Musengwa Katonda yaika ku lusozi Sinai ku mutwe yaayeta Musa yeena aje ghaigulu ku lusozi ku mutwe. Era Musa yaaja.

Okuvaayo 24:17

Abaisiraeli baabona ekitiisa kya Musengwa Katonda nga kiri ng'oti muliro oguli kubbeibbera ku lusozi ghaigulu.

Okuvaayo 25:1

Musengwa Katonda yaakoba Musa ati:

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Okuvaayo 34:28

Kale Musa yaaghandiika ebibono eby'endagaano, amateeka eikumi, ku bibaadho eby'amabaale. Yaaba eyo ni Musengwa Katonda okumala enaku amakumi ana omusana n'obwire, era nga talya mere waire okunhwa amaadhi.

Okuvaayo 9:29

Musa yaamwiramu ati: “Olunaafuluma ekibuga kino nti, ndidha kughanika emikono nsabe Musengwa Katonda, okubwatuka okw'olukuba kusirike era n'omugozi gwonagwona guweegho, olwo omanhe ng'ensi ya Musengwa Katonda yenka.

Okuvaayo 9:33

Kale Musa yaafuluma ekibuga ekyo, yaaghanika emikono yaasaba Musengwa Katonda okubwatuka okw'olukuba n'omugozi era n'amaadhi byalekera.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Matayo 4:2

Bwe yamala okusiiba enaku amakumi ana (40), omusana n'obwire, endhala yaamuluma.

Mariko 1:13

Eyo Yesu yaamalayo enaku amakumi ana (40), Sitaani yaamukema. Yaabanga ghalala n'ensolo edh'omu nsiko, aye bamalaika nga bamugheereza.

Luka 4:2

yaamala enaku amakumi ana (40) Sitaani ng'amukema. Mu nnaku edho tiyalya ku kantu koonakoona, era bwe dhaawaaku endhala yaamuluma.

Amateeka Agokubiri 10:10

Musa yaayongera okukoba Abaisiraeli ati: “Naba ku lusozi okumala enaku amakumi ana omusana n'obwire, nga bwe nakola ku mukuzi ogwasooka. Ni ku mukuzi guno, Musengwa Katonda yaawulira kye namusaba, yaaganha obutabazikiriza imwe.

Amateeka Agokubiri 5:31

Aye iwe oire ghano ghe ndi, nkukobere amateeka goonagoona n'ebiragiro byonabyona by'onaabeegeresa, babituukirizenga mu nsi ye ndi kubagha okuba eyaibwe.’ ”

Amateeka Agokubiri 9:18

Neeyala ku itaka nga neefundiike mu maiso ga Musengwa Katonda, nga bwe nali mmaze okukola mu kusooka. Naamala enaku amakumi ana, omusana n'obwire, nga tirya mere waire okunhwa amaadhi. Kuba mwali nga mukoze ekibi mwasungughaza Musengwa Katonda.

Amateeka Agokubiri 9:25

“Kale neeyala ku itaka nga neefundiike mu maiso ga Musengwa Katonda okumala enaku edho amakumi ana, omusana n'obwire, kuba Musengwa Katonda yali ankobye ati aja kubazikiriza.

Amateeka Agokubiri 9:9

Nze naniina olusozi okugheebwa ebibaadho eby'amabaale ebyaghandiikibwaku endagaano Musengwa Katonda ye yakola n'imwe. Naasigalayo okumala enaku amakumi ana, omusana n'obwire, nga tirya mere waire okunhwa amaadhi.