Okuvaayo 24:12 - Baibuli Ekibono kya Katonda 2014

¹² Musengwa Katonda yaakoba Musa ati: “Niina olusozi oidhe ye ndi. Bw'otuuka nteegerera, ndidha kukugha ebibaadho eby'amabaale agaliku amateeka n'ebiragiro bye naghandiikira abantu olw'okubagalagira.”

Okuvaayo 24:12 ပူးပေါင်းရင်းမြစ်များ

1 Bakyabazinga 19:11

Musengwa Katonda yaakoba ati: “Fuluma, oje oyemerere ku lusozi mu maiso gange.” Agho Musengwa Katonda yaabitagho, kiwunga ow'amaani yaayuzayuza ensozi era yaamenhamenha embaale emberi wa Musengwa Katonda. Aye Musengwa Katonda nga tali mu kiwunga oyo. Kiwunga bwe yamala okubita, ghaabaagho musisi, yaatengeesa ensi. Aye Musengwa Katonda nga tali mu musisi oyo.

Ezera 7:10

Ezera yeefubirizanga inho okusoma Amateeka ga Musengwa Katonda, n'okugajiiraku, era n'okusomesa ebiragiro ebigalimu mu Isiraeli.

Nehemia 9:13

Wava mu igulu waika ku lusozi Sinai, waayogera nabo, waabagha endhegeresa entuufu, ey'amateeka n'ebiragiro eby'amazima.

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Zabbuli 19:12

Naani asobola okubona ensobi dhe mwene? Wo Musengwa Katonda, nsonigha ebisobyo bye ngwamu nga tiidhi.

Okuvaayo 19:3

Musa yaaniina ghaigulu ku lusozi okwogera ni Katonda. Agho Musengwa Katonda ng'ali ku lusozi yaamweta yaamukoba ati: “Ja okobere Abaisiraeli, baidhukulu ba Yakobo abo oti,

Okuvaayo 24:15

Agho Musa yaaniina ku lusozi era ekire kyalughembaku.

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 24:2

Iwe Musa niiwe wenka oidha okuseeta ye ndi, aye abantu abandi boonaboona, bataseeta. Era abantu ababuliidho bataniina ku lusozi n'iwe naire.”

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Okuvaayo 34:1

Agho Musengwa Katonda yaakoba Musa ati: “Baadha ebibaadho bibiri eby'amabaale ebiri ng'ebyasooka, ndidha kughandiikaku ebibono ebyali ku bire ebyasooka bye wamenha.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Matayo 5:19

Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

2 Ab'e Korintho 3:3

Kyeyoleka nga muli oti mbaluwa eva ye Kurisito, ife ye twaleeta, etaaghandiikibwa na bwino aye eyaghandiikibwa ni Mwoyo wa Katonda omulamu. Era etaaghandiikibwa ku bipande bya mabaale, aye eyaghandiikibwa ku bipande eby'emyoyo gy'abantu.

2 Ab'e Korintho 3:7

Amateeka amaghandiike gaabaadhibwa mu nukuta ku bipande eby'amabaale, era bwe gaali gagheebwa ghaaligho okumesunkana kunene. Amaiso ga Musa gaaliku okumesunkana okwo, era waire kwali nga kuli kukendeera, Abaisiraeli baali nga tibasobola kumwekalirisa mu maiso. Kale oba nga Amateeka agaleeta okufa gaagheebwa mu kumesunkana okwaga agho,

Amateeka Agokubiri 4:14

Musengwa Katonda yandagira mu biseera ebyo okubeegeresa amateeka n'ebiragiro, mubituukirizenga mu nsi ye muja okwingiramu okutwala.”

Amateeka Agokubiri 5:22

“Ago n'amateeka Musengwa Katonda ge yabagha mwenamwena nga mwesoloiza ku lusozi. Yagabagha ng'ayogera mu mamiro ag'amaani, ng'ali mu muliro ghagati mu kire ekigemye enzikiiza, era tiyayongeraku bindi. Yagaghandiika ku bibaadho bibiri eby'amabaale, yaabimpa.”

Amateeka Agokubiri 5:31

Aye iwe oire ghano ghe ndi, nkukobere amateeka goonagoona n'ebiragiro byonabyona by'onaabeegeresa, babituukirizenga mu nsi ye ndi kubagha okuba eyaibwe.’ ”

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.