Okuvaayo 23:31 - Baibuli Ekibono kya Katonda 2014

³¹ Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

Okuvaayo 23:31 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

1 Bakyabazinga 11:2

Solomoni yabayiza abakazi okuva mu maghanga ago, waire nga Musengwa Katonda yali amaze okukoba Abaisiraeli ati: “Mutafumbiraganwanga na bantu abo, kuba bwenebwene baja kubakyusa emyoyo gyaimwe, musinze emisambwa gyaibwe.” Aye Solomoni yaabeesibaku, yaabenda.

1 Bakyabazinga 20:13

Mu kiseera ekyo ghaabaagho omulanzi eyaja eri Ahabu kyabazinga wa Isiraeli, yaakoba ati: “Musengwa Katonda akoba ati, ‘Oli kubona eigye eryo lyonalyona eikologho? Ndidha kulita mu ngalo dho olwaleero, memale omanhe nga ninze Musengwa Katonda.’ ”

1 Bakyabazinga 4:21

Solomoni yafuga obwakyabazinga obwali mu kiketezo ekiva ku mwiga Eufurate okutuuka ku nsi y'Abafilisiti, n'okutuuka ku nsalosalo ni Misiri. Abantu b'omu biketezo ebyo baamughanga empooza era baamugheerezanga ekiseera kyonakyona kye yamala nga mulamu.

1 Bakyabazinga 4:24

Solomoni yafuganga ekiketezo kyonakyona eky'e bugwandhuba bw'omwiga Eufurate, okuva ku Tifusha okutuuka e Gaza, ng'afuga bakyabazinga baamu boonaboona. Era yali mu miraala n'ebiketezo byonabyona ebyali bimwezungulwire.

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Ebyomubyanda 9:26

Era Solomoni oyo yafuganga bakyabazinga boonaboona okuviira irala ku mwiga Eufurate, okutuukira irala ku nsi y'Abafilisiti, ni ku nsalosalo y'e Misiri.

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Okubala 21:34

Aye Musengwa Katonda yaakoba Musa ati: “Otamutya, ndidha kukugha obughanguzi, omughangule n'abantu be boonaboona n'ekiketezo kye kyonakyona. Oidha kumukolaku nga bwe wakola ku kyabazinga Sihoni ow'Abamori eyafugiranga mu Heshiboni.”

Okubala 34:2

akobe Abaisiraeli ati: “Bwemulingira mu nsi Kanaani, ensi ye ndi kubagha ebe obutaka bwaimwe, ensalosalo dhaayo dhija kuba dhiti:

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.

Amateeka Agokubiri 1:8

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Amateeka Agokubiri 11:24

Buli kifo kye munaaniinangaku ekigere, kiidha kubanga kyaimwe. Ensalosalo dhaimwe dhinaavanga ku irungu ku luuyi olw'omukono omusaadha olw'e buvandhuba, dhaatuuka ku nsozi dh'e Lebanoni ku luuyi olw'omukono omugooda olw'e buvandhuba. Era dhinaavanga ku mwiga Eufurate mu buvandhuba, dhaatuuka ku Nhandha Eyaghagati mu bugwandhuba.

Amateeka Agokubiri 2:33

Era Musengwa Katonda waife yaamutugha, twamughangula ni batabane, n'abantu be boonaboona.

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Amateeka Agokubiri 20:16

“Aye bwe munaaghambanga ebibuga ebibiri mu nsi Musengwa Katonda waimwe y'ali kubagha, mutalekangagho kiramu waire ekirala nga kikaagheera.

Amateeka Agokubiri 3:2

Aye Musengwa Katonda yankoba ati, ‘Otamutya, kuba ndidha kumughaayo omughangule n'abantu be boonaboona, era onhage n'ensi ye yoonayoona. Oidha kumukola kye wakola kyabazinga w'Abamori, Sihoni, eyabanga mu Heshiboni.’

Amateeka Agokubiri 6:19

Abazigu baimwe boonaboona be mulyagaana mu nsi eyo, mulibabingamu nga Musengwa Katonda bweyasuubiza.

Amateeka Agokubiri 9:3

Agho ni mukimanhe muti Musengwa Katonda waimwe n'aidha okubakulemberangamu, ng'ali ng'oti muliro oguzikiriza buli kiri mu ngira yaagwo. Mwene aidha kughangula abantu abo nga mukaali kubatuukaku. Olwo musobole okubabingamu n'okubazikiriza amangu, nga bweyabasuubiza imwe.

Yoshua 1:4

Ekiketezo kyaimwe kiidha kuvanga ku irungu okutuuka ku nsozi dh'e Lebanoni, n'okuva ku mwiga omunene Eufurate oguli e buvandhuba, nga mutwaliizaamu ensi yoonayoona ey'Abahitti, mutuuke ku Nhandha Eyaghagati ku luuyi olw'e bugwandhuba.

Yoshua 10:19

Aye imwe mutasigala agho, muje mu maiso n'okubingirira abazigu, mubave einhuma mubagweku, era timubaganha kungira mu bibuga byaibwe. Musengwa Katonda waimwe ababaghaire mwidha kubaghangula.”

Yoshua 10:8

Musengwa Katonda yaakoba Yoshua ati: “Otatya bakyabazinga abo, kuba mmaze okubakuta mu ngalo. Ghazira muntu anaaghanga kukulwanisa ng'akuboineku.”

Yoshua 13:6

Era ghaligho ekiketezo eky'Abasidoni kyonakyona ababa ghagati gh'ensozi dha Lebanoni ni Misirefothi Maimu kyona kiri n'okunhagibwa. Nze mwene ndidha kubingangayo abantu mu buli kiketezo Abaisiraeli ghe banaatuukanga. Iwe ky'oli n'okukola, n'okubagabaniamu ebiketezo ebyo nga bwe nakulagira.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 21:44

Musengwa Katonda yaabagha emiraala woonawoona mu kiketezo ekyo, era nga bwe yasuubiza badhaadha baibwe. Ku bazigu baibwe nga ghazira waire mulala ati asobola okubeegezaamu, kuba Musengwa Katonda ng'asobozesa Abaisiraeli okughangula abazigu baibwe abo boonaboona.

Yoshua 23:14

“Buti ndi mu lugendo, ndi kuja e magombe nga badhaadha boonaboona bwe baaja. Mwenamwena mwidhi bukalamu mu myoyo gyaimwe ng'ebirungi byonabyona Musengwa Katonda waimwe bye yabasuubiza, ghazira ky'ataatuukiriza. Byonabyona yabikola era ghazira kyamulema.

Yoshua 24:11

Mwasomoka Yorudani mwatuuka e Yeriko, abasaadha ab'e Yeriko baabalwanisa nga kw'otaire n'Abamori, n'Abaperizzi, n'Abakanaani, n'Abahitti, n'Abagirigashi, n'Abahivi era n'Abayebusi. Aye naagha imwe obughanguzi mwababinga.

Yoshua 24:12

Mwaja okubatuukaku nga mbaswiremu okutya n'okudhugumira, ekyaleetera bakyabazinga Abamori ababiri okulumuka embiro empiima dhaimwe n'obulaso bwaimwe ti n'ebyabaleetera okughangula.

Yoshua 24:18

Yabingangho Abamori abaabanga ghano. Kale twena twidha kugheerezanga Musengwa Katonda, kuba oyo ni Katonda waife.”

Yoshua 24:8

memale olwo naabatuusa mu kiketezo eky'Abamori abaabanga ku luuyi olw'e buvandhuba olwa Yorudani. Bano baabalwanisa aye naagha imwe obughanguzi, naabazikiriza era mwatwala ekiketezo kyaibwe.

Yoshua 8:18

Agho Musengwa Katonda yaakoba Yoshua ati: “Lingiriza eifumo lyo ekibuga ekyo Ayi, kuba ndidha kukikugha.” Yoshua yaakola nga bwe baamukoba,

Yoshua 8:7

Ng'olwo musituka okuva ghe munaaba mubwaime, nga mugema ekibuga ekyo kuba Musengwa Katonda waimwe aidha kukibata mu ngalo.

Yoshua 9:7

Aye Abaisiraeli baabakoba bati: “Tusobola tutya okukola n'imwe endagaano? Musobola okuba nga muva kumpi ghano.”

Abalamuzi 1:4

Kale ab'ekika kya Simeoni n'ab'ekika kya Yuda baajiira ghalala mu lutalo. Musengwa Katonda yaabagha okughangula abasaadha abaghera omutwalo (10,000) e Bezeki, Abakanaani n'Abaperizzi.

Abalamuzi 11:21

Agho Musengwa Katonda, Katonda wa Isiraeli, yaagha Abaisiraeli okughangula Sihoni n'eigye lye lyonalyona. Olwo Abaisiraeli baatwala ekiketezo kyonakyona eky'Abamori abaabanga mu nsi eyo.

1 Samueli 23:4

Agho Daudi yeebuuza ku Musengwa Katonda kabiri. Musengwa Katonda yaamwiramu ati: “Situkiramu oje e Keila, kuba ndidha kukugha Abafilisiti abo obaghangule.”