Okuvaayo 23:27 - Baibuli Ekibono kya Katonda 2014

²⁷ “Ndidha kuleeteranga abazigu abanaabanga emberi ye muja okutya einho, era ndeetengagho okutabukatabuka mu bantu abagezaaku okubalwanisa. Abazigu baimwe boonaboona baidha kukyukanga babalumuke.

Okuvaayo 23:27 ပူးပေါင်းရင်းမြစ်များ

Amainhama 35:5

Yakobo n'abaana be bwe baatoolera okutambula, entiisa enene yaagema ab'omu bibuga ebibeezungulwire, baaloba kubalumba.

2 Samueli 22:41

Waleetera abazigu bange okukyuka baalumuka naababona bwa nkoone, naazikiriza abo abankyagha.

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

2 Ebyomubyanda 14:14

Baazikiriza ebibuga byonabyona ebyetooloire Gerari, kuba abantu baayo Musengwa Katonda yabaleetera okutya. Baanhagulula ebibuga ebyo byonabyona, kuba byalimu ebintu kamaala eby'okunhaga.

Zabbuli 18:40

Waleetera abazigu bange okukyuka baalumuka, naababona bwa nkoone, naazikiriza abantu abo abankyagha.

Zabbuli 21:12

kuba bw'alibalingirizaamu akalaso ke, balikyuka baalumuka bulumuke.

Okuvaayo 33:2

Ndidha kutuma malaika emberi waimwe, era ndidha kubinga mu nsi eyo Abakanaani, n'Abamori, n'Abahitti, n'Abaperizzi, n'Abahivi, n'Abayebusi.

Okuvaayo 34:24

Ndidha kubinga amaghanga agali ye muli kuja, ngaziye ekiketezo kye muja okutyamamu. Era ezira muntu aja kwegomba kutoola itaka lyaimwe, emikuzi egyo esatu buli mwaka, gye munaidhanga okunsinza nze Musengwa Katonda waimwe.

Okubala 22:3

Abamoabu baatya inho Abaisiraeli era baafootookerera, olw'okubona ng'Abaisiraeli abo baali bangi inho.

Amateeka Agokubiri 11:23

Olwo aidha kubingangamu amaghanga agandi ago goonagoona nga mukaali kugatuukaku. Olwo imwe mwingire mutwale ensi ey'amaghanga agasinga eryaimwe obukologho n'amaani.

Amateeka Agokubiri 11:25

Tighaliba muntu waire omulala alighanga kubeekiikamu. Kuba buli ye munaajanga, Musengwa Katonda waimwe aidha kuleeteranga abantu baayo kubatya butye, nga bweyabasuubiza imwe.

Amateeka Agokubiri 2:25

Okuva n'olwaleero, nja kukuba amaghanga goonagoona agali ku nsi entiisa, gabatye. Kiisi anaawuliranga ku liina lyaimwe, aidha kudhugumiranga olw'okutya.’”

Amateeka Agokubiri 6:19

Abazigu baimwe boonaboona be mulyagaana mu nsi eyo, mulibabingamu nga Musengwa Katonda bweyasuubiza.

Amateeka Agokubiri 7:23

Musengwa Katonda waimwe alita abazigu baimwe mu ngalo dhaimwe era yaabaleetamu okutya n'okudhugumira, okutuusa lwe balizikirizibwa.

1 Samueli 14:15

Abafilisiti abaali mu kifo we baasimba weema dhaibwe, n'abaali mu nimiro, era n'abandi boonaboona, baadhugumira olw'okutya. Abalwani abaali mu nkambi, n'abo abaajanga okunhaga, baadhugumira. Ensi yaatengeeta, buli ghantu ghaidhula ensisi ey'amaani.