Okuvaayo 23:21 - Baibuli Ekibono kya Katonda 2014

²¹ Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Okuvaayo 23:21 ပူးပေါင်းရင်းမြစ်များ

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 78:40

Emikuzi kamaala baamudheemeranga eyo mu irungu baamusungughazanga inho.

Zabbuli 78:56

Aye baaleba Katonda era baamudheemera oyo Ali Ghaigulu Yeene baaloba kugondera biragiro bye,

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Okuvaayo 3:14

Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 45:6

Kino nkikoze, abantu boonaboona okuva e buvandhuba okutuuka e bugwandhuba, basobole okumanha nga ninze Musengwa Katonda zenka, ezirayo Katonda wundi naire.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 9:5

Engaito dh'abaisirukale abayoolooka okwidha okulumba, n'ebivaalo byaibwe bye bafuusefuuse mu musaayi, birifuulibwa nku byayokebwa omuliro.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Yeremia 5:7

Musengwa Katonda era akoba ati: “Nsobola ntya okubasonigha abantu bange abo, abanvaaku ni balayira ebintu ebisinzibwa ebitali Katonda? Nabagha buli kye beetaaga, aye baaja baafuuka abatali beesigwa, era beesololezanga mu ndhu dha bamalaaya.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Okubala 14:35

Nze Musengwa Katonda, ninze ndhogeire. Bwenebwene ntyo bwenja okukola abantu bano ababi abeesoloiza okuntakania. Mu irungu lino boonaboona mwe baja okufiira baweegho.’ ”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Yoanne 10:30

Nze ni Lata tuli muntu mulala.”

Yoanne 10:38

Aye oba nga n'ebyo, ni bwemutandhikiriza nze kasinga mwikirize bye nkola, memale mumanhe era mutegeere nga Lata ali mu nze era zeena ndi mu Lata.”

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Amateeka Agokubiri 18:19

Era kiisi ataatengayo mwoyo ku bibono byange omulanzi oyo by'anaayogeranga mu liina lyange, ndidha kumuvunaananga.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

Ab'e Kolosai 2:9

Kuba mu Kurisito n'omuli Obwakatonda bwonabwona mu buntu,

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 3:16

Ni baani abaawulira eiroboozi lye memale ni bamudheemera? Ti n'abo boonaboona Musa be yakulembera n'abatoola mu Misiri?

Yoshua 24:19

Aye Yoshua yaakoba abantu ati: “Timusobola kugheereza Musengwa Katonda, kuba oyo ni Katonda omutukuvu era Katonda ow'enkikidi. Taja kubasonigha kwonoona kwaimwe oba ebibi bye mukola.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

Okwolekebwa 2:8

“Ghandiikira malaika w'Ekikunsu eky'Abaikiriza mu Kurisito eky'e Simuruna oti: Oyo entoolo era enkomerero, eyafa aye nairamu okulama, akoba ati:

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati:

Abalamuzi 13:18

Malaika wa Musengwa Katonda yaamwiramu ati: “Lwaki ombuuza eriina lyange eryewuninkiriza?”