Okuvaayo 23:2 - Baibuli Ekibono kya Katonda 2014

² “Otajiiranga ku kintu abantu abasinga bungi kye bakoba nga kikyamu, oba okubajiiraku nga bali kugha obudhulizi obubuzaabuza ekituufu.

Okuvaayo 23:2 ပူးပေါင်းရင်းမြစ်များ

Amainhama 19:4

Aye nga bakaali kutenduka, abasaadha ab'omu kibuga ekyo Sodoma baazingiza endhu eyo; abasaadha boonaboona abato n'abakulu nga baweekereireyo.

Amainhama 6:12

Katonda yaalingirira ensi, yaabona ng'eidhwire obubi, kuba obulamu obw'abantu boonaboona bwali bwidhwire kukola bibi byereere.

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

Yobu 31:34

Tirekerangaku kwogera oba ni ndoba kufuluma mu ndhu, olw'okutya okwogerwaku abantu, n'okunhoomebwa aboluganda.”

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Ensambo 1:15

Mwana wange, otajiiranga ku bantu bali ng'oti n'abo, obeesambiranga irala;

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Ensambo 4:14

Otajiiranga ku bakozi ba bibi, era otakolanga bye bakola.

Yeremia 37:15

Abakungu bankambughalira, baalagira bankube, era bansibira mu ndhu ya Yonathani omughandiisi, kuba endhu eyo baali bagifiiremu ikomera.

Yeremia 37:21

Kale kyabazinga Zedekia yaalagira bansibire mu luya olw'ekisaagaati kye eky'obwakyabazinga. Naaba omwo, era bampanga omugaati mulala buli lunaku nga bagutoola mu kifo ye baagifumbiranga. Baakola batyo, okutuusa mu kibuga bwe mwawa emigaati.

Yeremia 38:9

ati: “Isebantu kyabazinga, abantu bano bakoze bubi inho. Bataire Yeremia mu nsulo mw'aidha okufiira endhala, kuba mu kibuga timukaali mere.”

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Haggai 1:4

“Lwaki imwe beene musula mu mayumba amayooyoote, aye ng'eisinzizo lyange liri bifulukwa byereere?

Mariko 15:15

Agho Pilato olw'okwenda okusiimya ekiyindi, yaabalekulira Barabba, era yaaghaayo Yesu akomererwe ku musalaba ng'amaze okumukuba enkoba.

Luka 23:51

Ono yali ng'anuyirira Obwakyabazinga bwa Katonda era tiyaisania ni baine mu ntegeka yaibwe yoonayoona.

Ebikolwa by'Abatume 24:27

Nga ghabiseegho emyaka ebiri, Porukio Fesito yaasikira Felikisi ku bukulu, aye Felikisi olw'okwenda okusiimya Abayudaaya yaaleka Paulo nga musibe.

Ebikolwa by'Abatume 25:9

Aye Fesito olw'okwenda Abayudaaya bamusiime yaakoba Paulo ati: “Wandyenze okuja e Yerusalemu owozesebwe emisango gino mu maiso gange?”

Ab'e Roma 1:32

Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Amateeka Agokubiri 24:17

“Mutasalirizanga nga musala omusango ogw'omusenze waire ogwa mulekwa. Era mutatoolanga ku namwandu kivaalo kye ng'omusingo ogw'eibandha lye mwamuwola.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.

1 Samueli 15:9

Aye Saulo n'abalwani be baasaasira Agagi baaloba kumwita. Era baalekagho entaama n'ente empiite ensavu, n'entaama entototo, n'ebintu ebindi eby'omugaso, baaloba kubizikiriza. Ebintu ebindi bye bataabonamu kalungi oba omugaso baabizikiriza.