Okuvaayo 23:19 - Baibuli Ekibono kya Katonda 2014

¹⁹ “Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 23:19 ပူးပေါင်းရင်းမြစ်များ

Nehemia 10:35

“Tweyamye okuleetanga mu isinzizo buli mwaka, ebirime bye tunaasookanga okukungula mu misiri gyaife, n'ebibala bye tunaasookanga okunoga ku miti gyonagyona egy'ebibala.

Nehemia 10:36

“Twidha kutwalanga batabane baife ababeri, ye bakabona mu isinzizo, tubaghengayo eri Musengwa Katonda nga bwe kyaghandiikibwa mu Mateeka. Era twidha kughangayo eri Musengwa Katonda oyo, ente dhaife, n'embuzi, n'entaama, edhinaazaalibwanga mu luzaalo olusooka.

Okuvaayo 22:28

“Otavumanga Katonda oba okukolimira omufuzi ow'abantu bo.

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Ensambo 12:10

Omuntu akola ebituufu afaayo ku nsolo dhe, aye omukozi w'ebibi tasaasira dhidhe naire.

Ensambo 3:9

Oghanga Musengwa Katonda ekitiisa ng'omugha ebisinga bulungi ku by'ofuna byonabyona, era ng'omugha ku byonabyona ebisooka okukungulwa eby'omu misiri gyo.

Yeremia 10:3

Empisa edh'abamaghanga ago muzira muganhulo. Omuntu aja yaatema omuti mu kibira, omubaadhi yaatoola ebyuma yaagubaadhamu ekifaananie n'engalo dhe.

Ezekieli 44:30

Ku bintu bye musooka okukungula byonabyona, ni ku bintu bye mughaayo ye ndi, mwidha kutoolangaku ebisinga bulungi bibenga bya bakabona. Era mwidha kubaleeteranga n'engaano ye munaasookanga okukanda, olwo enkabi dhibenga mu maka gaimwe.

Ezekieli 48:13

Abalevi abandi boona baliba n'ekitundu ekyaibwe ng'omugabo, nga kiriiraine n'ekya bakabona ab'oku nda ya Zadoki. Kyona kirigheza obuleeyi bwa kilomita ikumi na ibiri okuva mu buvandhuba okutuuka mu bugwandhuba, era kyagheza n'obugazi bwa kilomita itaanu okuva ku luuyi olw'omukono omugooda olw'e buvandhuba okutuuka ku luuyi olw'omukono omusaadha olw'e bugwandhuba. Ng'ogaise aghalala ekitundu kyonakyona, ekya bakabona n'eky'Abalevi, kiriba kilomita ikumi na ibiri mu buleeyi, ni kilomita ikumi mu bugazi.

Ezekieli 48:14

Ekiketezo ekyo kye mulyawulaku nga kya Musengwa Katonda mwene, n'ekirisinga bulungi mu nsi eyo yoonayoona era kiriba kitukuvu. Tikiritundibwaku naire, waire okukifaanisaamu, oba okukigha omuntu owundi yeenayeena.

Okubala 15:21

Ku ngaano ye musookanga okukanda, mutoolangaku mwaghaayo ekigheebwayo eri nze Musengwa Katonda, mu nse dhaimwe dhoonadhoona edhiirangagho.

1 Ab'e Korintho 15:20

Aye mu butuufu bwene Kurisito yazuukira mu bafu okukakasa ng'abafu balizuukira

Amateeka Agokubiri 14:21

“Mutalya ku kintu kyonakyona ekifiire kyene. Munaabanga ba idembe okukigha abasenze ababa mu nsi yaimwe okukirya, oba munaabanga ba idembe okukiguza abasenze abandi. Aye imwe muli ighanga, Musengwa Katonda waimwe lye yafuula erirye. “Mutafumbiranga mamba ya mbuzi nto oba ya ntaama nto, mu mata ga inhaayo.”

Amateeka Agokubiri 26:10

Era mpegaano bona, ndeese ku birime bye nsoose okukungula mu itaka lye wampa, iwe Musengwa Katonda. “Agho aidha kutanga ebintu ebyo agho mu maiso ga Musengwa Katonda we era amusinzizenga agho.

Amateeka Agokubiri 26:2

buli muntu aidha kutanga mu kiibo ku birime bye byonabyona ebisooka okukungulwa. Abitwale mu kifo Musengwa Katonda waimwe ky'aliba ng'alonzeegho okumusinzizangamu.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.