Okuvaayo 23:15 - Baibuli Ekibono kya Katonda 2014

¹⁵ Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okuvaayo 23:15 ပူးပေါင်းရင်းမြစ်များ

Okuvaayo 12:2

“Mwidha kutwalanga omwezi guno nga n'ogwinhama omwaka.

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 13:4

Olunaku luno lwe muli kuviiraku mu Misiri, luli mu mwezi ogusooka ogwetebwa Abibu.

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 34:18

“Mwidha kukolanga Ekibinuko eky'Emigaati Egitazimbulukusiibwa. Mwidha kulyanga emigaati egyo okumala enaku musanvu, nga bwe nabalagira, mu biseera ebyateebwagho, mu mwezi gwa Abibu. Kuba mu mwezi gwa Abibu ogwo, ni gwe mwaviiramu mu Misiri.

Okuvaayo 34:20

Endogoyi enume ezaalibwa mu luzaalo olusooka muginunulanga nga mughaayo entaama ento. Aye bwe mubanga nga timuginunwire, muginiolanga enkoto yaafa. N'omwana omulenzi omuberi munaamununulanga mu nsambo n'endala eyo. “Ghatabangagho aidha kusinza ng'azira kigheebwayo.

Abalevi 23:10

akobere Abaisiraeli ati: “Bwe mulituuka mu nsi Musengwa Katonda y'abagha ni mukungula engaano, ekinhwa ekisooka mukitwalanga wa kabona.

Mika 6:6

Kiki kye nnaaleetera Musengwa Katonda, oyo Katonda ow'eigulu, nga ndidha okumusinza? Mmuleetere ente ento edh'omwaka omulala edhisinga bulungi ndhigheeyo ng'ebigheebwayo ebyokebwa?

Mariko 14:12

Ku lunaku olusooka mu dh'emigaati egitazimbulukusiibwa, lwe baitirangaku entaama ento ey'Ekibinuko eky'Okwidhukiriraku Okubitizibwa, Abeegeresebwa be baamukoba bati: “Oyenda tuje tukutegekere gha y'onaaliira Ekibinuko eky'Okubitizibwa?”

Luka 2:41

Buli mwaka, abazaire ba Yesu baajanga e Yerusalemu ku Kibinuko eky'Okubitizibwa.

Luka 22:7

Agho olunaku olw'Ekibinuko eky'Emigaati Egitazimbulukusiibwa lwatuuka, kwe baitiranga entaama ento ey'Ekibinuko eky'Okwidhukiriraku Okubitizibwa.

Ebikolwa by'Abatume 12:3

Bwe yabona nga Abayudaaya bakisiimye yeeyongera, yaagema ni Petero. Kino kyabaagho mu nnaku edh'emigaati egitazimbulukusiibwa.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.

1 Samueli 6:3

Baabairamu bati: “Bwe munaaba nga mwizaayo Esanduuku ey'Endagaano ya Katonda wa Isiraeli, timwidha kugiizaayo ndhereere. Mu buli ngeri muli n'okugiizaayo ye Katonda oyo ghalala n'ekigheebwayo ng'omutango. Olwo mwidha kuwona era mumanhe lwaki abaire ababonerezanga nga tasalaku.”