Okuvaayo 23:11 - Baibuli Ekibono kya Katonda 2014

¹¹ Aye mu mwaka ogwomusanvu olekanga eitaka lyo lyawuumulaku, era emere yoonayoona ebala mu misiri erekebwangayo, abaavu baagirya. Ate eyo abaavu ye baba nga tibaliire bagirekeranga ensolo edh'omu nsiko dhaalya. Mu nsambo n'endala eyo, otyo bw'onaakolanga amasamba go ag'emizabbibu n'ag'emiti emyoliva.

Okuvaayo 23:11 ပူးပေါင်းရင်းမြစ်များ

Nehemia 10:31

Abamaghanga agandi abo bwe banaaleetanga eby'okulya oba ebintu ebindi byonabyona okubitunda ku Sabbato, oba ku lunaku olundi olutukuvu, titwidha kubagulangaku. “Buli mwaka ogwomusanvu titwidha kukungulanga bibala bya mu misiri, era twidha kusonighanga abantu amabandha ge tubabandha.

Nehemia 10:32

“Buli mwaka twidha kutoolanga guraamu itaanu edha feeza, kiisi muntu, tudhigheeyo dhikole emirimo mu isinzizo lya Katonda waife.

Okuvaayo 23:10

“Onaamalanga emyaka omukaaga ng'osimba emere yo, era ng'ogikungula.

Okuvaayo 23:12

“Oli n'enaku mukaaga dh'oghanga okukoleramu emirimo gyo, aye olwomusanvu oidhanga kuwuumula. Olwo ente dho n'endogoyi dho dhighange okuwuumula, era abairu bo, n'abamaghanga agandi abakukolera bawuumule bairemu amaani.

Abalevi 25:20

“Aye muteebuuza kye munaalyanga mu mwaka ogwomusanvu, nga timusize era nga muzira kye mukungula.

Abalevi 25:22

Bwe munaasiganga mu mwaka ogwomunaana, munaabanga mukaalya ku bye mwakungula mu mwaka ogwomukaaga, era munaabanga mukaali n'emere ebamala okutuusa bye musize omwaka ogwo lwe binaakungulwanga.

Okubala 16:14

Mu butuufu bwene tiwatuleeta mu nsi ngimu erimu birungi kamaala, era tiwatugha bibandha na masamba ga mizabbibu ni biba byaife ku bwaife. Aye oli kwenda kuziba bwa bantu bano maiso? Kale titwidha kwidha.”

Amateeka Agokubiri 15:11

Buliidho ghaidha kubanga nga ghaligho Abaisiraeli abaavu n'abali mu bwetaavu mu nsi. Kyenva ni mbalagira nti mutalobanga kubayamba.”