Okuvaayo 22:7 - Baibuli Ekibono kya Katonda 2014

⁷ “Omuntu bw'anaaghanga mwine empiiya oba ebintu bye eby'omughendo okubimukuumira, memale ni babiibira mu ndhu y'oyo ye babighaire okubikuuma, omwibi bw'anaagemwanga anaasasulanga ebintu ebyo emikuzi ebiri.

Okuvaayo 22:7 ပူးပေါင်းရင်းမြစ်များ

Okuvaayo 22:6

“Bw'anaateeranga oluyiira mu kibandha kye, memale ni lukunkuna mu isubi ni lutuuka mu kibandha eky'omuntu owundi ni lwokya emere ye, ye yakungula naabunga mu musiri oba eyo y'akaali kukungula, oba ni lwokya omusiri gwonagwona, oyo eyateera oluyiira aidhanga kusasula mwene mere byonabyona by'anaabanga ng'afiiriirwa.

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Abalevi 19:13

“Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Abalevi 6:1

Musengwa Katonda era yagha Musa ebiragiro bino ati:

Abalevi 6:2

“Ekigheebwayo olw'okusasula kinaagheebwangayo, omuntu bw'anaakolanga ekibi mu maiso ga Musengwa Katonda, ng'aloba okwiriza Muisiraeli mwine ekintu kye yamulekera ng'omusingo, oba ng'amunhagaku ekintu, oba ng'amutoolaku ekintu mu kuguyaguya,

Abalevi 6:5

oba ekyo kyonakyona kye yeelayiriraku ebiziramu ati takibonangaku. Omuntu oyo, ku lunaku lw'anaagheerangaku ekigheebwayo kye ng'omutango, anaizangagho ekintu ekyo nga kiramba, era yaayongeraku n'omutango gwa kitundu kirala kirala ku buli bitundu bitaanu eby'ekintu ekyo era anaatoolanga ekintu ekyo yaakigemya ole mwene kyo.

Yoanne 12:6

Aye yakoba atyo, ti kuba nga yali afaayo inho ku baavu, aye lwa kuba yali mwibi. Ate era ng'omukuumi w'endyanga, yatwalanga empiiya edhaateebwangamu.

1 Ab'e Korintho 6:10

Era ghazira baibi, oba ab'amairu, oba abatamiivu, oba abavumagani, oba abanhazi, abalingira mu Bwakyabazinga bwa Katonda.