Okuvaayo 22:26 - Baibuli Ekibono kya Katonda 2014

²⁶ “Bw'ogemanga ku mwino ekivaalo kye ng'omusingo, okimwirizanga ng'endhuba ekaali kugwa,

Okuvaayo 22:26 ပူးပေါင်းရင်းမြစ်များ

Yobu 22:6

Watoola ku baganda bo emisingo mu bukyamu nga weesasula by'obabandha; waabatoolamu ebivaalo byaibwe, wabaleka madu.

Yobu 24:3

Batwala endogoyi ya walekwa, baatoola ente ku namwandu ye baawola eibandha, baagisigaza ng'omusingo.

Yobu 24:7

Abaavu basula madu, nga ghazira kye beebwise okuwona empewo okubafuuwa.

Yobu 24:9

Ghaligho abantu ababi abaswankula abaana abaziraku baiseibwe, baabatoola ku bainhaibwe, baatwala abaana abo ab'abaavu ng'omusingo gw'eibandha.

Yobu 34:28

Baaleetera abaavu okumulirira. Yaawulira okulira kwaibwe nga babadaazadaaza.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 34:7

Malaika wa Musengwa Katonda akuuma abo abatya Musengwa Katonda, yaabawonia ebizibu.

Ensambo 20:16

Ole eyeeyimirira omuntu y'ataidhi, ali n'okutoolebwaku ekintu ky'asinzeegho, okukakasa ng'eibandha liidha kusasulwa.

Ensambo 22:27

Bw'olemwa okusasula bakutwalaku n'obuliri bwo bw'osulaku.

Ezekieli 18:16

era nga ghazira muntu yeenayeena y'akolaku kibi. Nga tatwala musingo gwa muntu yamwewolaku, waire okunhaga ekintu ku muntu yeenayeena. Aye ng'agha abayala eby'okulya, n'abali amadu yaabagha eby'okuvaala.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 33:15

ng'airiza eyamwewolaku omusingo gwe, yairiza omuntu ebintu bye yamunhagaku, yaajiira ku mateeka agagha obulamu, era ng'azira kibi ky'akola, bwenebwene talifa, aliba mulamu.

Amosi 2:8

Batenduka mu masinzizo ku ngoye dhe batoola ku baavu ng'omusingo. Era mu ndhu yange nze Katonda waibwe banhweramu omwenge gwe babaleeteire ng'omutango.”

Amateeka Agokubiri 24:17

“Mutasalirizanga nga musala omusango ogw'omusenze waire ogwa mulekwa. Era mutatoolanga ku namwandu kivaalo kye ng'omusingo ogw'eibandha lye mwamuwola.

Amateeka Agokubiri 24:6

“Bw'owolanga mwino eibandha, otamutoolangaku lubengo lwe oba enso ye ng'omusingo. Okwo kuba ng'oti n'okubatoolaku obulamu ng'omusingo.