Okuvaayo 22:23 - Baibuli Ekibono kya Katonda 2014

²³ Bw'olibabisa obubi, baja kundirira era zeena mpulire okulira kwaibwe,

Okuvaayo 22:23 ပူးပေါင်းရင်းမြစ်များ

Yobu 34:28

Baaleetera abaavu okumulirira. Yaawulira okulira kwaibwe nga babadaazadaaza.

Yobu 35:9

Olw'okutuntuzibwa okungi, abantu bakuba enduulu, baalira nga benda okufuna anaabawonia.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 140:12

Wo Musengwa Katonda, ndidhi nti olwanirira abadaazibwadaazibwa, waalwanirira n'abaavu balobe kunhigirizibwa.

Zabbuli 145:19

Abo boonaboona abamutya awulira okulira kwaibwe yaabawonia, era yaabagha bye benda.

Zabbuli 18:6

Bwenali ndi mu buzibu nasaba Musengwa Katonda, naalirira Katonda wange ambeere; yawulira amamiro gange ng'ali mu isinzizo, era okulira kwange kwamutuuka mu kutu.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Okuvaayo 22:27

kuba ekyo kye yeebwika era n'ekikunta kye ekimusuuya. Kale aghanga atya okutenduka nga tiyeebwise? Era bw'anandiriranga ndidha kumuwuliranga, kuba nze ndi wa kivunika.

Okulira 5:3

Abazigu abo baatwitaku balata baife, twafuuka bamulekwa; ate bakaire baife baafuuka banamwandu.

Luka 18:7

Memale obwo Katonda bw'atalitawulula abalonde be abamusaba omusana n'obwire? Mbo bw'alirwa okubayamba?

Amateeka Agokubiri 10:18

Asala mu butuufu ensonga dha bamulekwa ni banamwandu. Yaagonza abasenze abali mu imwe, yaabagha eby'okulya n'eby'okuvaala.

Amateeka Agokubiri 15:9

Mutalobanga kumuwola nga mukoba muti kuba omwaka ogwomusanvu ogw'okusoniyiramu amabandha guli kumpi okutuuka, mube nga timusasulwa bye mubandha. Mutaganhanga ndowooza mbi eyo kwingira mu myoyo gyaimwe. Bwe munaalobanga okumuwola, memale n'alirira Musengwa Katonda okubavunaana, olwo mwidha kubanga nga muli n'omusango.

Amateeka Agokubiri 24:15

Buli lunaku lw'akoze oidhanga kumugha empeera ye ng'endhuba ekaali kugwa kuba empeera ye agyetaaga, era aba ng'ateegereire okugifuna. Bw'otaagimughenga, aidha kuliriranga Musengwa Katonda ng'akughaghabira, olwo obeeku omusango olw'ekibi ekyo.

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.