Okuvaayo 22:21 - Baibuli Ekibono kya Katonda 2014

²¹ “Omuntu ow'eighanga erindi otamubisanga bubi oba okumutuntuza, kuba mwena mwali ba ighanga lindi nga muli e Misiri.

Okuvaayo 22:21 ပူးပေါင်းရင်းမြစ်များ

Yobu 6:27

Imwe musobola n'okukubira ku bamulekwa akalulu olw'okubafunamu! Era musobola n'okukola ekintu kyonakyona ku bakagwa baimwe, olw'okubafunamu amagoba!

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 23:9

“Otabisanga bubi muntu wa ighanga lindi ali mu imwe mwidhi bwe kiruma okuba ow'eighanga erindi, kuba mwena bwe mwali e Misiri.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Abalevi 19:13

“Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Abalevi 19:33

“Mutabisanga bubi basenze abaasenga mu nsi yaimwe.

Abalevi 19:34

Mubabisenga ng'oti Baisiraeli banaimwe abazaale baamu, era mubagonzenga ng'oti ni bwe mwegonza beene, kuba mwena mwali basenze mu nsi Misiri. Ninze Musengwa Katonda waimwe.

Abalevi 25:35

“Muisiraeli mwino bw'anaayavughalanga nga tasobola kubaagho ku lulwe yenka, onaamughanga obuyambi yaaba gh'oli, ng'oti ni bwe wandighaire omuntu ow'endha oba omusenze.

Zekaria 7:10

Mutafuginkirizanga muntu yeenayeena, k'abe namwandu, oba mulekwa, oba omusenze, oba omwavu. Era mutayiiyanga mu myoyo gyaimwe kukola kabi ku banaimwe.’

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Amateeka Agokubiri 1:16

“Era mu kiseera ekyo nga tukaali ku Lusozi Sinai, naasikirira abalamuzi baimwe nti, ‘Muwulirisenga ensonga era musalenga mu butuufu emisango ka gibe ghagati gha ab'eighanga lyaimwe beene na beene, oba ghagati gha ab'eighanga lyaimwe n'abasenze.

Amateeka Agokubiri 10:18

Asala mu butuufu ensonga dha bamulekwa ni banamwandu. Yaagonza abasenze abali mu imwe, yaabagha eby'okulya n'eby'okuvaala.

Amateeka Agokubiri 10:19

Agho ni, mugonzenga abasenze abo, kuba mwena mwali basenze mu Misiri.

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 23:16

Aidha kubanga ewaimwe mu kifo ky'anaabanga ng'alonzeegho, mu kindi ku bibuga byaimwe. Mutamukiriganga naire.

Amateeka Agokubiri 23:7

“Mutanhoomanga Baedomu, kuba baluganda n'imwe. Mutanhoomanga Bamisiri, kuba mwaliku basenze mu nsi yaibwe.

Amateeka Agokubiri 24:17

“Mutasalirizanga nga musala omusango ogw'omusenze waire ogwa mulekwa. Era mutatoolanga ku namwandu kivaalo kye ng'omusingo ogw'eibandha lye mwamuwola.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’