Okuvaayo 22:17 - Baibuli Ekibono kya Katonda 2014

¹⁷ Aye ise ow'omughala bw'anaaloberanga omusaadha oyo okubayiza mughala we, era omusaadha oyo anaabanga n'okutoola omwandu ogusasulirwa omughala omwegha, yaagugha ise w'omughala oyo.

Okuvaayo 22:17 ပူးပေါင်းရင်းမြစ်များ

Amainhama 23:16

Aburahamu yaaganha Efuroni kye yakoba. Agho yaapimira Efuroni oyo feeza ye yakoba, ng'Abahitti bawulira ebitundu ebikumi ebina, ng'akozesa ekipimo eky'abasuubuzi.

Amainhama 30:20

Leeya yaakoba ati: “Katonda ampaire ekirabo ekirungi. Mpegaano baze aidha kuntaamu ekitiisa, kuba mmuzaaliire abaana abalenzi mukaaga.” Kyeyava n'amweta eriina Zebuluni.

Amainhama 34:12

Omwandu n'ebirabo bye munansalira ni bwe binaayaga gha obungi, ndidha kubibagha, kasita mumpa omughala okumubayiza.”

Abalevi 20:6

“Omuntu yeenayeena bw'anaajanga okwebuuza ku basamize n'abalogo, n'ataba mwesigwa eri nze, nnaamwefuuliranga, naalekera agho okumubalira mu bantu bange.

Amateeka Agokubiri 18:10

Mu imwe mutabangamu muntu waire omulala ati ayokya mutabane we oba mughala we mu muliro ng'amughaayo ng'omusengo, oba akola eby'obulaguzi, oba akola eby'obulogo,

Amateeka Agokubiri 22:29

Omusaadha oyo aidha kughanga lata w'omughala oyo ebitundu ataanu ebya feeza, era omughala oyo aidha kufuukanga mukazi we. Kuba yamala okumukaka yaaba naye, era omusaadha oyo mu bulamu bwe bwonabwona, taabingenga mukazi oyo.

1 Samueli 18:25

Agho Saulo yaabakoba ati: “Muje mukobe Daudi muti, ‘Kyabazinga taidha kusala mwandu ku mugole, okutoolaku obuwutu kikumi obukeketeibwa ku Bafilisiti. Olwo kyabazinga abe nga yeesasuuliiza ku bazigu be abo.’ ” Saulo yalowooza ati Abafilisiti baidha kwita Daudi.

1 Samueli 28:3

Mu kiseera ekyo Samueli yali amaze okufa, nga n'Abaisiraeli boonaboona bamaze okumulira n'okumuziika e Rama mu kibuga kye. Era Saulo yali amaze okubinga abalaguzi n'abasamize mu Isiraeli.