Okuvaayo 21:6 - Baibuli Ekibono kya Katonda 2014

⁶ musengwa we amutwalanga mu isinzizo yaamwemereza gha lwigi oba gha mwango, yaamufuwula kutu owundi ng'akozesa olugera olusongovu. Olwo omwiru oyo anaabanga mwiru we okutuusa okufa.

Okuvaayo 21:6 ပူးပေါင်းရင်းမြစ်များ

1 Bakyabazinga 12:7

Baamwiramu bati: “Bw'oba ng'oyenda okuba omugheereza w'abantu bano olwaleero, oidha kubairamu ng'okozesa ebibono ebikalamu, olwo baidha kubanga bagheereza bo enaku dhoonadhoona.”

Zabbuli 82:1

Katonda atyama mu kityamo kye mu lwekobaano olw'omu igulu; emisambwa gyesoloza yaagisalira omusango ati:

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 21:22

“Bwebanaabanga nga bali kulwana, memale owundi ku abo n'alumya omukazi ali enda, enda n'evaamu aye omukazi n'ataba bubi, oyo amulumiiza aidha kumuliyiranga omughendo iba w'omukazi oyo ye balumiiza gw'anaasalanga ni gwikirizibwa abalamuzi.

Okuvaayo 21:5

Aye omwiru bw'asalangagho n'akoba ati agonza musengwa we, ni mukazi we, n'abaana be, era nga tayenda kumuleka aje nga wa idembe,

Okuvaayo 21:7

“Omusaadha bw'anaatundanga mughala we ng'omwiru omukazi, omwiru oyo taalekebwenga kuja nga wa idembe ng'oti n'abairu abasaadha bwe balekebwa.

Okuvaayo 22:28

“Otavumanga Katonda oba okukolimira omufuzi ow'abantu bo.

Isaia 1:26

Ndidha kubairizaagho abakulembeze abakalamu ng'oti ni bale abaasooka, mbairizeegho n'abawi b'amagezi abakalamu ng'oti ni bale be mwasooka nabo. Olwo Yerusalemu baliiramu okukyetanga ekibuga eky'abantu abatuufu era ekibuga eky'abantu abeesigwa.”

Abalevi 25:23

“Eitaka tiriitundibwenga butaizibwa, kuba ninze mwene lyo. Imwe muli basenze busenze ku itaka eryo.

Abalevi 25:40

Anaabanga gh'oli ng'omukozi asasulwa empeera era ng'omusenze. Anaakugheerezanga okutuusa ku mwaka omutukuvu.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Amateeka Agokubiri 1:16

“Era mu kiseera ekyo nga tukaali ku Lusozi Sinai, naasikirira abalamuzi baimwe nti, ‘Muwulirisenga ensonga era musalenga mu butuufu emisango ka gibe ghagati gha ab'eighanga lyaimwe beene na beene, oba ghagati gha ab'eighanga lyaimwe n'abasenze.

Amateeka Agokubiri 15:16

“Aye omwiru asobola okuba nga tayenda kukuvaaku, kuba akugonza iwe n'ab'omu maka go, era nga mumativu okusigala n'iwe.

Amateeka Agokubiri 15:17

Olwo oidha kugemanga olugera olusongovu omufuwule kutu owundi ng'ali gha lwigi, olwo abeerenga irala mwiru wo enaku dhoonadhoona. N'omwiru wo omukazi yeena otyo bw'onaamubisanga.

Amateeka Agokubiri 16:18

Musa yaakoba Abaisiraeli ati: “Mwidha kutangagho abalamuzi n'abakulembeze mu bibuga byaimwe byonabyona Musengwa Katonda waimwe by'abagha, nga mubatoola mu buli kika kyaimwe. Baidha kusaliranga abantu ensonga mu butuufu.

1 Samueli 1:22

Aye ku mukuzi ogwo Hanna tiyaja nabo, kuba yakoba iba ati: “Omwana bw'alikula n'ava ku mabeere, ndimutwala naamwandhulayo ye Musengwa Katonda era yaaba eyo enaku dhoonadhoona edh'obulamu bwe.”

1 Samueli 27:12

Agho Akishi yeesiga Daudi, ng'akoba mule ati: “Bwenebwene Daudi yeereeteire abantu be Abaisiraeli okumukyayira irala, n'olw'ekyo aidha kubanga mugheereza wange buliidho.”

1 Samueli 28:2

Daudi yaamwiramu ati: “N'ekyo kyene, era oidha kutegeera nze omugheereza wo kye nsobola okukola.” Akishi yaakoba Daudi ati: “Kale ndidha kukufuula ankuuma ow'olubeerera.”