Okuvaayo 21:26 - Baibuli Ekibono kya Katonda 2014

²⁶ “Omuntu bw'anaakubanga eriiso ery'omwiru we omusaadha oba omwiru we omukazi n'alyonoona, aidha kulekanga omwiru oyo aje nga wa idembe olw'okusasulira eriiso lye.

Okuvaayo 21:26 ပူးပေါင်းရင်းမြစ်များ

Nehemia 5:5

Ate nga twena tuli ba musaayi mulala ni Bayudaaya banaife abo. Abaana abaife, boona baana ng'oti n'abaibwe bwe bali. Aye ife tukaka batabane baife ni baghala baife okuba abairu. Era baghala baife abandi twabatunda ira mu bwiru. Ate nga ekyo titughanga kukyebeera, kuba enimiro dhaife, n'amasamba gaife ag'emizabbibu, biri mu buyinza bwa bantu bandi.”

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 10:18

Tega kutu owulirise bamulekwa n'abatuntuzibwa, obasalire omusango mu butuufu basinge, olwo ghabule omuntu yeenayeena ku nsi atiisatiisa obulamu bwa baine.

Zabbuli 9:12

Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Okuvaayo 21:20

“Omuntu bw'anaatoolanga omwigo n'akuba omwiru we omusaadha oba omwiru we omukazi n'amwitiragho, omuntu oyo aidhanga kubonerezebwa.

Okuvaayo 21:24

oba eriiso olw'eriiso, oba eriino olw'eriino, oba omukono olw'omukono, oba ekigere olw'ekigere,

Okuvaayo 21:25

oba okwokebwa olw'okwokya, oba okuteebwaku ekibwa olw'ekibwa, oba okunuubulwa olw'okunuubula.

Okuvaayo 21:27

“Bw'anaakubanga eriino ery'omwiru we omusaadha oba omwiru we omukazi n'alitoolamu, aidha kulekanga omwiru oyo aje nga wa idembe olw'okusasulira eriino lye.”

Ab'Efeso 6:9

N'imwe basengwa b'abairu, mwena mubisenga mutyo abairu baimwe, nga timubeesoomera. Mumanhe muti oyo Musengwa waibwe era owaimwe, ali mu igulu era oyo tasaliriza.

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Ab'e Kolosai 4:1

Imwe basengwa b'abairu, mubisenga abairu baimwe bukalamu nga bwe kigwaine, nga mwidhukira nga mwena muli ni Musengwa waimwe mu igulu.