Okuvaayo 21:14 - Baibuli Ekibono kya Katonda 2014

¹⁴ Aye omuntu anaalumbanga mwine mu bugenderevu, n'asala amagezi n'amwita, oyo ni bw'anaabanga ng'alumukiire ku alutaari yange okwewonia, anaatoolebwangayo yaitibwa.

Okuvaayo 21:14 ပူးပေါင်းရင်းမြစ်များ

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

2 Bakyabazinga 11:15

Yehoiada tiyayenda Athalia bamwitire mu isinzizo lya Musengwa Katonda. Kale yaalagira abaduumizi b'eigye, ati: “Mumufulumye nga mumubikiza mu nhiriri dh'abaisirukale, era omuntu yeenayeena agezaaku okumutoola mu nhiriri, mumwite bwite.”

Zabbuli 19:13

Era nkuuma ndobe kugwa mu bisobyo nga ngendereire, otabiganha kunfuga. Olwo ndidha kuba omutukuvu era aziraku musango gwa kibi.

Okuvaayo 21:15

“Omuntu yeenayeena anaakubanga ise oba inhina, wa kwitibwanga.

Ensambo 28:17

Omuntu bw'atemula mwine aba yeesimiire mwene amagombe amangu ago, era ghatabangagho amuyamba.

Okubala 35:16

“Aye ole bw'akubisa omuntu ekiisi eky'ekyuma ekigumu einho, omuntu oyo n'amala n'afa, oyo amukubye aba mutemo, era omutemo oyo aidhanga kwitibwa.

Amateeka Agokubiri 1:43

Nze naabakobera Musengwa Katonda bye yakoba, aye mwaloba kumpulirisa, mwadheemera ekiragiro kya Musengwa Katonda. Era mwekuluntaza, mwaja mu nsi ey'ensozi.

Amateeka Agokubiri 18:22

Mwidha kutegeeranga, kuba omulanzi bw'ayogera mu liina lya Musengwa Katonda, aye ky'ayogeire ni kitabaagho oba ni kitatuukirira, ekyo kiba nga Musengwa Katonda ti n'akyogeire. Omulanzi aba ng'akyogeire lwa kwetulinkiriza, era kitabatiisanga.”

Amateeka Agokubiri 27:24

“ ‘Omuntu yeenayeena anaatemulanga mwine mu ngiso, akolimirwenga!’ “Olwo abantu boonaboona baliiramu bati, ‘Amiina.’

Abaheburayi 10:26

Bwe twonoona nga tugendereire ng'ate tumaze okukoberwa amazima, ghaba nga tighakaaligho musengo gwa kugheebwayo olw'ebibi.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.