Okuvaayo 20:8 - Baibuli Ekibono kya Katonda 2014

⁸ “Muteerabiranga kukuza lunaku lwa Sabbato nga lutukuvu.

Okuvaayo 20:8 ပူးပေါင်းရင်းမြစ်များ

Amainhama 2:2

Ku lunaku olwomusanvu Katonda yaamaliriza omulimo, gwe yali ng'ali kukola. Yaawuumula ku lunaku olwo olwomusanvu, ng'amaze emirimo gye gyonagyona, gye yali ng'ali kukola.

Amainhama 2:3

Yaagha olunaku olwo olwomusanvu enkabi era yaalutukuza. Kuba olwo lwe yawuumuliraku emirimo gye gyonagyona egy'okutonda.

Nehemia 13:15

“Mu biseera ebyo, naabonanga mu Buyudaaya abantu abakunha omwenge ogw'emizabbibu ku lunaku lwa Sabbato! Abandi baatwikanga ku ndogoyi dhaibwe, emungo edh'engaano, n'omwenge gw'emizabbibu, n'emizabbibu gyene, n'ebibala eby'emiti emitiini, n'emigugu egya buli nsambo. Abantu abo naababonanga nga baleeta ebintu ebyo mu Yerusalemu ku lunaku lwa Sabbato! Aye nze naabalabulanga obutatunda kintu kyonakyona ku lunaku lwa Sabbato.

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Okuvaayo 23:12

“Oli n'enaku mukaaga dh'oghanga okukoleramu emirimo gyo, aye olwomusanvu oidhanga kuwuumula. Olwo ente dho n'endogoyi dho dhighange okuwuumula, era abairu bo, n'abamaghanga agandi abakukolera bawuumule bairemu amaani.

Okuvaayo 31:12

Musengwa Katonda yaakoba Musa ati:

Okuvaayo 35:1

Agho Musa yaayeta Abaisiraeli boonaboona beesololeza gh'ali. Yaabakoba ati: “Bino n'ebintu Musengwa Katonda by'abalagiire okukola:

Isaia 56:2

Ndigha enkabi abo abakuuma Sabbato buliidho ni batagyonoona, era naagha enkabi abo abeekuuma ni batakola bibi.”

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Yeremia 17:21

Bakobe oti oba nga benda obulamu bwaibwe, batabbeedanga bintu ku lwa Sabbato, era batabibisanga mu miryango gya Yerusalemu.

Yeremia 17:22

Era batafulumyanga kintu kyonakyona mu ndhu dhaibwe ku lwa Sabbato, waire okukolanga omulimo gwonagwona ku lunaku olwo. Balukuumenga nga lutukuvu, nga bwe nalagira badhaadha baibwe.

Yeremia 17:24

“Koba abantu abo oti bateekwa okugonderanga ebiragiro byange byonabyona. Balobe kubbeedanga kintu kyonakyona kukibisa mu miryango egy'ekibuga kino ku lwa Sabbato, waire okukolanga omulimo gwonagwona. Aye bakuumenga olunaku olwo nga lutukuvu.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 19:30

Mukuzenga olunaku lwa Sabbato, era mutenga ekitiisa mu kifo kyange Ekitukuvu. Ninze Musengwa Katonda.

Abalevi 23:3

“Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Abalevi 26:2

Mukuzenga olunaku lwa Sabbato, era mutenga ekitiisa mu Kifo kyange Ekitukuvu. Ninze Musengwa Katonda.

Okubala 15:32

Lwali lulala, ng'Abaisiraeli bakaali mu irungu, baayagaana omuntu ng'ali kugherera enku ku lunaku lwa Sabbato.

Amateeka Agokubiri 5:12

“ ‘Mukuumenga olunaku lwa Sabbato nga lwange, nga nze Musengwa Katonda waimwe bwe nabalagira.