Okuvaayo 20:6 - Baibuli Ekibono kya Katonda 2014

⁶ Aye abantu enkumi n'enkumi abangonza, ni bagondera ebiragiro byange, mbooleka okugonza okutakoma.

Okuvaayo 20:6 ပူးပေါင်းရင်းမြစ်များ

Nehemia 1:5

nga nkoba nti: “Wo Musengwa Katonda ow'eigulu, oli mukologho era ow'entiisa. Iwe akuuma endagaano yo era waagonza obutalekera abo abakugonza ni bagema ebiragiro byo.

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Okuvaayo 34:7

Ninze ayoleka enkumi n'enkumi edh'abantu okugonza kwange okwo okutakoma. Era mbasonigha olw'okukola ebibi, n'olw'obudheemu, n'olw'empwitu. Aye tiroba kubonereza baana na baidhukulu lwa bibi bya bazaire baibwe, mu nse dhoonadhoona okutuuka ku lwokusatu ni ku lwokuna.”

Ensambo 3:1

Mwana wange, oteerabiranga bye nkwegeresa, era idhukiranga byonabyona bye nkulagira.

Yeremia 32:18

Ogonza enkumi n'enkumi edh'abantu aghazira kulekera, aye ate weesasuuliza ku baana olw'ebibi by'abazaire baibwe. Oli Katonda mukologho era ow'amaani. Niiwe Musengwa Katonda Afuga Amagye.

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Okubala 14:18

‘Nze Musengwa Katonda ndwagho okusungughala, ngonza abantu obutalekera, era naasonigha aboonooni n'abadheemu. Aye tiriroba kubonereza aliku musango. Ndibonereza abaana n'abaidhukulu olw'ebibi eby'abazaire baibwe, okutuukira irala ku luse olwokusatu n'olwokuna.’

Yoanne 14:15

“Oba nga mungonza, mugemenga ebiragiro byange.

Yoanne 14:21

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Ebikolwa by'Abatume 2:39

kuba ekisuubizo kya Katonda kyaimwe n'abaana baimwe, n'abo boonaboona abali eghala, boonaboona Musengwa Katonda waife oyo b'aba ng'ayese.”

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

Amateeka Agokubiri 5:29

Kale ngoli baba n'omwoyo ng'oti n'ogwo buliidho, ni bantya era ni bakuumanga ebiragiro byange byonabyona! Olwo beene n'abaidhukulu baibwe bandibairenga bukalamu enaku dhoonadhoona.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

1 Yoanne 4:19

Tugonza kuba mwene n'eyasooka okutugonza.

1 Yoanne 5:3

kuba okugonza Katonda n'okuwulira ebiragiro bye, ate ebiragiro bye ti bikalangafu.

2 Yoanne 1:6

Ate okugonza kitegeeza okutambula nga tujiira ku biragiro bye. Ekiragiro ni kino, era nga bwe mwawulira okuviira irala mu kwinhama, mugonzanienga.