Okuvaayo 20:5 - Baibuli Ekibono kya Katonda 2014

⁵ Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 20:5 ပူးပေါင်းရင်းမြစ်များ

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Samueli 21:6

Kale ni batughe abantu musanvu ku baidhukulu be, tubasibe emigugha mu nkoto tubalengeedhie mu maiso ga Musengwa Katonda e Gibea ku lusozi lwa Musengwa Katonda.” Kyabazinga yaabairamu ati: “Ndidha kubagha abantu abo omusanvu.”

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 21:29

“Oboine Ahabu bwe yeewooyiiza mu maiso gange? Kale nga bwe yeewooyiiza mu maiso gange atyo, akabi tija kukaleeta mu biseera bye ng'akaali mulamu, aye ndikaleeta ku b'endhu ye mu biseera bya mutabane we.”

2 Bakyabazinga 17:35

Musengwa Katonda yakola nabo endagaano, yaabalagira ati: “Mutasinzanga bakatonda bandi era mutabikubiranga makiryaivu, waire okughangayo emisengo ye bali.

2 Bakyabazinga 17:41

Kale abantu ab'amaghanga ago baasinzanga Musengwa Katonda, aye nga era basinza n'ebifaananie ebibaadhe eby'emisambwa gyaibwe. N'abaana baibwe boona baakolanga batyo, era n'abaidhukulu baibwe batyo bwe bakaakola ni ye buli eno.

2 Bakyabazinga 23:26

Aye era Musengwa Katonda yaaloba kulekeza busungu bwe kutumbukira ku Buyudaaya ng'oti muliro, olw'ebyo Manasse bye yakola ebyamusungughaza.

2 Bakyabazinga 5:18

Aye nsaba Musengwa Katonda ansonighenga nze omugheereza wo, bwe naagherekerangaku musengwa wange kyabazinga wa Siria, okuja okusinziza mu isabo lya Rimmoni omusambwa gwa Siria. Bwe nnaakubanga amakiryaivu mu isabo lya Rimmoni, Musengwa Katonda ansonighenga mu ekyo.”

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

2 Ebyomubyanda 25:14

Amazia bweyali ng'amaze okwita Abaedomu, yaaleeta emisambwa gy'abantu abo ab'e Seiri. Yaagitaagho gibenga bakatonda be, era yaagisinza n'okuginiokeza obubbaani.

2 Ebyomubyanda 7:19

Aye bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

Yobu 21:19

Imwe mukoba muti, ‘Katonda abonereza abaana olw'ebibi bya baiseibwe.’ Aye leka Katonda abonereze abo beene, baghange okumanha nti babonerezeibwa lwa bibi byaibwe ebyo.

Yobu 5:4

Abaana be baba mu kabi; emisango gyaibwe gisalirizibwa abalamuzi, ghaabula aboogererayo.

Zabbuli 109:14

Musengwa Katonda agwananga yaidhukira okwonoona kwa badhaadha be, yaalobera irala n'okusonigha ebibi bya inhina.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Zabbuli 79:8

Otatubonereza lwa bibi bya badhaadha baife, aye yangughaku otwoleke okusaasira kwo, kuba tuwoiremu amaani.

Zabbuli 81:15

Abo abankyagha nze Musengwa Katonda, bandiidhye ye ndi nga baavula bwavule, naababonereza ebyanda n'ebyanda.

Okuvaayo 23:24

Otakubiranga misambwa gyaibwe makiryaivu, oba okugisinza, oba okukola ebyo beene bye bagikolera. Aye ogizikirizanga, era waamenhamenhanga empango dhaagyo edh'amabaale.

Okuvaayo 34:14

Mutasinzanga katonda yeenayeena, kuba nze Musengwa Katonda, ayetebwa ‘Nkikidi’, bwenebwene ndi wa nkikidi.

Ensambo 8:36

Aye oyo akola ebibi yeerumiriza mwene, era oyo ankyagha aba ayenda kufa.”

Isaia 44:15

Omuntu oyo atoola ku muti gw'atemye yaakolamu ekisinzibwa ekitali Katonda, era ekifaananie ekyo ekibaadhe yaakikubira amakiryaivu, yaakisinza. Bw'amala, omuti ogusigairegho agufuulamu nku, yaatwala yaakumisa omuliro, yaayota yaasuugha, era yaafumbisa n'emere.

Isaia 44:19

Omuntu akola ekisinzibwa ekitali Katonda, taidhukira waire okwefumintirizaaku mule ati: “Ekitundu ky'omuti ogwo nkikumiisa omuliro naagufumbisa emere, era naatalikaku n'emamba naagirya. Memale obwo ekitundu kyagwo ekisigairegho ate kye nnaafuula ekisinzibwa ekyenhinhalwa, era ni nkikubira n'amakiryaivu, ate nga kiti buti?”

Yeremia 2:9

“Kale ni ndidha kusigala nga nkaabalumiriza omusango gwaimwe, era nsigale nga nkaagulumiriza n'abaana baimwe n'abaidhukulu.

Yeremia 32:18

Ogonza enkumi n'enkumi edh'abantu aghazira kulekera, aye ate weesasuuliza ku baana olw'ebibi by'abazaire baibwe. Oli Katonda mukologho era ow'amaani. Niiwe Musengwa Katonda Afuga Amagye.

Ezekieli 18:19

“Aye musobola okwebuuza muti, ‘Lwaki omwana tibamuvunaana bibi ise bye yakola?’ Eky'okwiramu kiri nti omwana bw'aba nga yakola ebituufu ebigwaniire ng'ajiira ku mateeka, era nga yali mwegendereza okukuuma ebiragiro byange, aliba mulamu.

Ezekieli 18:2

“Mutera okukozesa endhogera ekoba eti, ‘Abazaire baalya emizabbibu egikaagha, aye ate abaana n'abaagemwa engigina ku maino.’ Muba mutegeeza ki?

Ezekieli 20:7

Naabakoba nti basuule ere ebyenhinhalwa ebibasikiriza, era balobe kweyonoona nga basinza ebitali nze Katonda eby'omu Misiri, kuba ninze Musengwa Katonda waibwe.

Ezekieli 39:25

Agho ni, Musengwa Katonda kyava ali kukoba ati: “Aye mpegaano nja kuleetera baidhukulu ba Yakobo ebintu okwiramu okubajiiranga obukalamu, ngemerwe ekivunika eighanga lyonalyona Isiraeli, era nkuume n'ekitiisa ky'eriina lyange eitukuvu.

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 3:18

Aye Katonda waife ni bw'aba nga taakole atyo, twenda okukumanhisa, iwe Isebantu kyabazinga, nga tituja kugheereza bakatonda bo waire okusinza ekiwumbe kya zaabu kye wataagho.”

Abalevi 20:5

Nze mwene ndyefuulira omuntu oyo n'ab'omu ndhu ye boonaboona, n'abo boonaboona abamweyimbaku mu butaba beesigwa ye ndi ni basinza Moleki. Ndirekera okubabalira mu bantu bange.

Abalevi 26:1

“Muteekoleranga bifaananie, oba ebiwumbe, oba empango ezimbibwa, oba eibaale eibaadhe, nga bya kusinzibwa. Ninze Musengwa Katonda waimwe.

Abalevi 26:29

Endhala ey'amaani einho eidha kubalumanga, mutuuke n'okulyanga abaana baimwe.

Nahumu 1:2

Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Okubala 14:18

‘Nze Musengwa Katonda ndwagho okusungughala, ngonza abantu obutalekera, era naasonigha aboonooni n'abadheemu. Aye tiriroba kubonereza aliku musango. Ndibonereza abaana n'abaidhukulu olw'ebibi eby'abazaire baibwe, okutuukira irala ku luse olwokusatu n'olwokuna.’

Okubala 14:33

Abaana baimwe baidha kuba baayi mu irungu lino okumala emyaka amakumi ana nga badaagadaaga, olwa imwe obutaba beesigwa, okutuusa omulambo gw'oyo alisembayo ku imwe okufa lwe guligwa mu irungu muno.

Okubala 25:11

“Finehasi mutabane wa Eleazari era nga mwidhukulu wa Aaroni kabona, alekeiza obusungu bwange okuba ku Baisiraeli. Agemeibwa enkikidi eyange ye ndi nayo ku bantu bange abo Abaisiraeli, yaaloba kuguminkirizaaku waire omulala ku bo, okusinza katonda atali nze. Kye nviire ni ntabazikiriza mu busungu bwange.

Matayo 4:9

Era yaamukoba ati: “Ebyo byonabyona ndidha kubikugha bwe weeyala ghansi n'onsinza.”

Yoanne 15:18

“Oba nga ensi ebakyagha, muteerabira nga ninze ensi ye yasooka okukyagha.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Yoanne 9:2

Abeegeresebwa be baamubuuza bati: “Mwegeresa, omusaadha ono okuzaalibwa nga mutulu naani eyayona? Mwene oba bazaire be?”

Ab'e Roma 1:30

Batema ku banaibwe ebibono, bakyagha Katonda, bavumagana, ba lunkulu, beesuuta, bayiiya amagezi ag'okukola ebibi, era batengugha abazaire baibwe.

Ab'e Roma 8:7

Okwemalira ku by'omubiri kuleetera omuntu okuba omuzigu wa Katonda, nga tawulira mateeka ga Katonda, era bwene taghanga ku gawulira.

1 Ab'e Korintho 10:22

Twenda kuleetera Katonda kuba wa nkikidi? Niife tumusinga amaani?

Amateeka Agokubiri 32:21

Bandeetera okuba n'enkikidi nga basinza ebitali nze Katonda, bansungughaza nga beesiga ebisinzibwa ebitali nze Katonda. Kale, zeena ndidha kubasaaliza nga numirwa abatali bantu bange. Ndidha kubasungughaza nga ngonza eighanga ery'abaziramu magezi.

Amateeka Agokubiri 32:41

ndidha kubangula empiima yange emesunkana, ngikozese okuleetagho enkola entuufu. Ndidha kwesasuuliza ku bazigu bange, mbonereze abo abankyagha.

Amateeka Agokubiri 4:24

kuba Musengwa Katonda waimwe ali ng'oti muliro oguzikiriza buli kiri mu ngira yaagwo, era enkikidi emugema ku lw'abantu be.

Amateeka Agokubiri 5:10

Aye ndholeka okugonza okutakoma eri abantu enkumi n'enkumi abangonza, ni bagondera ebiragiro byange.

Amateeka Agokubiri 5:9

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe n'abaidhukulu, okutuukira irala ku luse olwokusatu n'olwokuna.

Amateeka Agokubiri 6:15

Bwe mulisinza bakatonda abandi, obusungu bwa Musengwa Katonda bulibatumbukiraku ng'oti muliro bwabasaaniagho, kuba Musengwa Katonda waimwe oyo aba mu imwe, enkikidi emugema ku lw'abantu be.

Amateeka Agokubiri 7:10

Aye abamukyagha alibeesasuuza ng'abazikiriza. Talirwagho naire kubonereza muntu amukyagha.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

Yoshua 23:7

Timukolagananga na bantu abo abanaasigalanga mu biketezo bye tuja okunhaga. Timwogeranga bigema ku bakatonda baibwe, oba okulayira nga mukozesa amaina gaibwe, oba okubakubira amakiryaivu n'okubasinza.

Yoshua 24:19

Aye Yoshua yaakoba abantu ati: “Timusobola kugheereza Musengwa Katonda, kuba oyo ni Katonda omutukuvu era Katonda ow'enkikidi. Taja kubasonigha kwonoona kwaimwe oba ebibi bye mukola.

Abalamuzi 2:19

Aye buli mukulembeze bwe yafanga, abantu bairangayo mu mize gyaibwe egy'eira, baabanga babi n'okusinga badhaadha baibwe. Baagheerezanga emisambwa era baagikubiranga amakiryaivu okugisinza, era baalobanga kulekayo mpisa dhaibwe embi naire endala.