Okuvaayo 20:24 - Baibuli Ekibono kya Katonda 2014

²⁴ Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Okuvaayo 20:24 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

2 Samueli 6:12

Agho baakobera kyabazinga Daudi bati: “Musengwa Katonda yagha ab'endhu ya Obedi Edomu ni by'ali nabyo byonabyona enkabi, olw'Esanduuku ya Katonda.” Kale Daudi yaaja yaatoolayo Esanduuku ya Katonda mu ndhu ya Obedi Edomu, yaagitwala mu kibuga kye ekyetebwa ekya Daudi, n'okusagamba okw'amaani.

1 Bakyabazinga 8:29

Kuumanga eisinzizo lino omusana n'obwire, kuba kino n'ekifo kye wakoba oti, ‘Omwo mwe banansinzizanga.’ Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Bakyabazinga 5:17

Agho Naamani yaakoba ati: “Oba olobye okutwala ekirabo, nkweghemba ompe eitaka erighanga okwetwikibwa enhumbu eibiri, nditwale ewaife, kuba okuva ni mpegaano, nze omugheereza wo tiidha kughangayo bigheebwayo byokebwa oba misengo eri musambwa waire omulala, okutoolaku eri Musengwa Katonda.

2 Ebyomubyanda 12:13

Kale Rehoboamu yaakakata ku bwakyabazinga mu Yerusalemu. Ghe yainhamira okufuga yali agheza emyaka egy'obukulu amakumi ana na mulala (41), era yaafuga okumala entangama ya myaka ikumi na musanvu (17) mu Yerusalemu, ekibuga Musengwa Katonda kye yalondagho mu Isiraeli yoonayoona okumusinzizangamu. Inhina wa Rehoboamu yali ng'ayetebwa Naama, era nga Muammoni.

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Ezera 6:12

Nsaba Katonda eyalonda Yerusalemu okuba ekifo eky'okumusinzizangamu, azikirize kyabazinga yeenayeena oba omuntu owundi yeenayeena alikyusaamu ku kiragiro kino, oba okuzikiriza eisinzizo lya Katonda eryo eriri e Yerusalemu. Nze Dario, ninze mpaire ekiragiro kino. Byonabyona bye ndagiire bigwaine bikolebwe n'obwegendereza.”

Nehemia 1:9

Aye bwe munaakyukanga ni mwira ye ndi, ni mujiira ku biragiro byange, ndidha kubakungaanianga ni bwe munaabanga nga musansaanire eyo eghala einho, mbaleete mu kifo kye nalonda okunsinzizangamu.’

Zabbuli 101:2

Ndidha kwebisanga mu ngeri etandeetere kwogerwaku. Oliidhaku li ye mba? Ndidha kubanga mwesigwa okuviira irala mu ndhu yange.

Zabbuli 122:2

Bona iwe Yerusalemu, ife twatuuse ira mu miryango gyo era buti mwe twemereire!

Zabbuli 128:5

Nsaba Musengwa Katonda oyo ali mu Sioni akughenga enkabi, obonenga ekibuga Yerusalemu nga kiri bukalamu enaku dhoonadhoona edh'obulamu bwo.

Zabbuli 134:3

Musengwa Katonda oyo aba mu Sioni abaghenga enkabi, oyo eyakola eigulu n'ensi.

Zabbuli 74:7

Eisinzizo lyo baalikumaku omuliro baalizikiriza, baayonoona ekifo kyo ekitukuvu abantu ghe bakusinziza.

Zabbuli 76:2

Katonda aba Yerusalemu ku lusozi Sioni.

Zabbuli 78:68

aye yaalonda ekika kya Yuda, n'olusozi Sioni lw'agonza einho.

Okuvaayo 10:25

Aye Musa yaamwiramu ati: “Oteekwa okutuleka tutwale ensolo dhe tulighaayo ng'emisengo era ng'ebigheebwayo ebyokebwa, tuje tugheeyo ye Musengwa Katonda waife emisengo.

Okuvaayo 18:12

Agho Yethuro yaataagho ekigheebwayo ekyokebwa kyonakyona okuwaagho, n'emisengo egindi egy'okughaayo eri Katonda. Aaroni n'abakulu ab'ebikunsu mu Isiraeli boonaboona baidha balya ni mukoirume wa Musa mu maiso ga Katonda.

Okuvaayo 20:25

Bw'onzimbira alutaari ey'amabaale, otakozesanga mabaale mabaadhe bw'ogabaadhaku ogafuula agatagwaniire kuzimba alutaari ya kunsinzizangaku.

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Okuvaayo 24:5

Yaatuma abaisuka Abaisiraeli baaja baaghaayo ye Musengwa Katonda ebigheebwayo ebyokebwa n'emisengo egy'okutabagana, nga baghaayo ente.

Okuvaayo 27:1

“Era oidha kukola alutaari mu muti ogwetebwa akasia, ng'endhuyi dhaayo eina dhaagayaga era nga dhigheza nga mita ibiri buli luuyi, ate obugungumavu ng'egheza nga mita ndala.

Isaia 64:5

Osangaalira abo abasanhukira okukola ebituufu, ni baidhukira okwebisa nga bw'oyenda. Iwe watusungughalira, aye ife tweyongera bweyongere kukola bibi. Era kuva ira nga tuli mu kukola bibi okwo. Aye oba tulibiwona?

Abalevi 17:9

n'atakireeta ku mulyango gw'Eweema ey'Okwagaananirangamu ni Musengwa Katonda okukighaayo eri Musengwa Katonda, anaabanga nga takaabalirwa mu bantu ba Musengwa Katonda.’

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:21

Ekifo Musengwa Katonda waimwe ky'aliba ng'alonzeegho okumusinzizangamu bwe kinaabanga eghala einho, munaitanga nga bwe mbalagiire ku nsolo dhaimwe, ente, entaama n'embuzi, Musengwa Katonda dh'abaghaire, mwadhiriira ye munaabanga, nga bwe munaabanga mwenze.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Amateeka Agokubiri 14:23

Memale olwo mujenga mu kifo Musengwa Katonda waimwe ky'aliba ng'alonzeegho okumusinzizangamu, muliire eyo mu maiso ge ekitundu ekirala ekirala ku buli bitundu ikumi eky'engaano yaimwe, n'eky'omwenge gwaimwe ogw'emizabbibu, n'eky'omuzigo gwaimwe ogw'ebibala eby'emiti emyoliva, ghalala n'ente, n'entaama, n'embuzi dhaimwe edhizaalibwa mu luzaalo olusooka. Mukolenga mutyo, olwo mughange okwega okutyanga Musengwa Katonda waimwe enaku dhoonadhoona.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 26:2

buli muntu aidha kutanga mu kiibo ku birime bye byonabyona ebisooka okukungulwa. Abitwale mu kifo Musengwa Katonda waimwe ky'aliba ng'alonzeegho okumusinzizangamu.

Amateeka Agokubiri 7:13

Aidha kubagonzanga, abaghe enkabi mweyongerenga okwala nga muzaala abaana kamaala. Aidha kughanga eitaka lyaimwe enkabi mufunenga emere, n'omwenge ogw'emizabbibu, n'omuzigo ogw'ebibala eby'emiti emyoliva. Aidha kuleeteranga ebyayo byaimwe okuzaalagana: ente, embuzi, n'entaama. Ebirungi ebyo byonabyona aidhanga kubibagheera mu nsi ye yasuubiza badhaadha baimwe okugibagha imwe.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.