Okuvaayo 20:2 - Baibuli Ekibono kya Katonda 2014

² ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 20:2 ပူးပေါင်းရင်းမြစ်များ

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

2 Bakyabazinga 17:12

baasinzanga ebitali Katonda, Musengwa Katonda bye yabakoba ati: “Mutabisinzanga!”

2 Bakyabazinga 17:7

Ebyo byabaagho, kuba Abaisiraeli baakola ebibi eri Musengwa Katonda waibwe, eyabatoola mu nsi Misiri mu mikono gya kyabazinga waayo. Abaisiraeli abo baasinzanga emisambwa,

2 Ebyomubyanda 28:5

Olw'ebibi ebyo Ahazi bye yakola, Musengwa Katonda we kyeyava n'amughaayo ye kyabazinga w'e Siria, yaamughangula, era yaatwala abantu be kamaala inho e Damasiko, nga basibe. Kabiri Musengwa Katonda oyo yaamughaayo ye kyabazinga Peka owa Isiraeli, yaamughangula ng'aise n'abantu be kamaala inho.

Zabbuli 50:7

“Imwe abantu bange mumpulirise, ndi ni kye mbakoba; imwe Abaisiraeli, ndidha kubalumiriza. Ninze Katonda, Katonda waimwe.

Zabbuli 81:10

Ninze Musengwa Katonda waimwe, eyabatoola mu nsi ey'e Misiri. Bwe mwasama ndidha kubaliisa mwigute.

Zabbuli 81:11

Aye abantu bange baaloba okumpulira! Isiraeli yaaloba okukolagana ninze!

Zabbuli 81:7

Bwe mwali mu buzibu mwansaba, era naabawonia, naabairamu nga neegisiisa mu kire eky'amaadhi n'olukuba, naabaleba nga muli ku maadhi ag'e Meriba.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 15:13

Waatambuza abantu bo be wanunula ng'obooleka okugonza okutakoma. Wabagema ku mukono n'omukono gwo ogw'amaani waabatuusa gh'oba aghatukuvu.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Okuvaayo 20:1

Agho Katonda yaayogera ebibono bino

Okuvaayo 29:46

Baidha kukitegeera nga ninze Musengwa Katonda waibwe eyabatoola mu Misiri, mbabengamu. Ninze Musengwa Katonda waibwe.”

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Isaia 43:3

kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Yeremia 16:14

“Musengwa Katonda yaakoba ati, ekiseera kiri kwidha, mube nga timukaalayira mu liina lyange nga Katonda omulamu eyatoola Abaisiraeli mu nsi Misiri.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yeremia 31:1

Musengwa Katonda akoba ati: “Ekiseera kiri kwidha, mbe Katonda w'ebika byonabyona ebya Isiraeli, ate beene babe bantu bange.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 34:13

“Nze Musengwa Katonda nakola endagaano ni badhaadha baimwe, bwe nabatoola mu nsi Misiri ye mwabanga nga muli bairu. Naabakoba nti,

Ezekieli 20:19

Nze Musengwa Katonda ninze Katonda waimwe, mujiirenga ku mateeka gange era mukolenga bye ndagira.

Ezekieli 20:5

Era obakobe oti nze Musengwa Katonda ndi kubakoba nti: Olunaku lwe neeroboza eighanga Isiraeli, abaana ba Yakobo abo, nabeeyandhulira nga bali mu nsi Misiri, naabamanhisa nti ninze Musengwa Katonda waibwe.

Ezekieli 20:7

Naabakoba nti basuule ere ebyenhinhalwa ebibasikiriza, era balobe kweyonoona nga basinza ebitali nze Katonda eby'omu Misiri, kuba ninze Musengwa Katonda waibwe.

Hosea 12:10

Nayogeranga n'abalanzi, naabaleeteranga okubonekerwa emikuzi kamaala. Era naabitanga mu balanzi abo okulabula abantu bange, nga bakozesa enfumo dhe nabaghanga.

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Abalevi 11:45

Ninze Musengwa Katonda eyabatoola mu Misiri, mbenga Katonda waimwe. Kale ni mubenga batukuvu, kuba nze ndi mutukuvu.”

Abalevi 19:36

Mukozesenga minzaani entuufu nga n'ebipimo byonabyona bituufu. Ninze Musengwa Katonda waimwe, eyabatoola mu nsi Misiri.

Abalevi 23:43

olwo Abaisiraeli ab'omu nse edhiriiragho bamanhe ng'Abaisiraeli abaabasooka nabaleetera okusula mu ntindi, bwe nabatoola e Misiri. Ninze Musengwa Katonda waimwe.”

Abalevi 25:38

Ninze Musengwa Katonda waimwe eyabatoola mu Misiri, ni mbagha ensi Kanaani, era ni mba Katonda waimwe.

Abalevi 25:42

kuba Abaisiraeli bairu bange, be natoola mu Misiri. Kale batatundibwanga mu bwiru.

Abalevi 25:55

Kuba Abaisiraeli bairu bange, ninze eyabatoola mu Misiri. Ninze Musengwa Katonda waimwe.

Abalevi 26:1

“Muteekoleranga bifaananie, oba ebiwumbe, oba empango ezimbibwa, oba eibaale eibaadhe, nga bya kusinzibwa. Ninze Musengwa Katonda waimwe.

Abalevi 26:13

Ninze Musengwa Katonda waimwe, eyabatoola mu Misiri, mulekere okuba abairu. Naatoolagho obuyinza obwali bubasibiire ghansi, naabatambuza nga mwesimbye.”

Amosi 2:10

Era ninze eyabatoola mu nsi Misiri, naababisa mu irungu okumala emyaka amakumi ana (40), naabaleeta mutwale ensi ey'Abamori abo ebe yaimwe.

Ab'e Roma 10:12

tibiboola kuba Abayudaaya n'abamaghanga agandi ghazira ndhawulo. Katonda ni Musengwa waibwe boonaboona era agabira abamusaba ebirungi kamaala

Ab'e Roma 3:29

Koodhi Katonda aba Katonda wa Bayudaaya bonka? Abamaghanga agandi boona taba Katonda waibwe? Bwene, boona waibwe

Amateeka Agokubiri 13:10

Oidha kumukubanga amabaale afe, kuba yagezaaku okukusendasenda ove ku Musengwa Katonda wo, eyakutoola mu Misiri, ye mwakolanga obwiru.

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 20:1

Musa yaakoba Abaisiraeli ati: “Bwe munaajanga okulwanisa abazigu baimwe, aye ni mubona embalaasi, n'ebigaali eby'omu lutalo, n'eigye erisinga eryaimwe obunene, mutatyanga kuba Musengwa Katonda waimwe eyabatoola e Misiri, ali n'imwe buliidho.

Amateeka Agokubiri 5:15

Mwidhukirenga nga mwali bairu mu Misiri, nze Musengwa Katonda waimwe naabatoolayo, nga nkozesa amaani n'obuyinza bwange. Kyenva ni, mbalagira okukuumanga olunaku lwa Sabbato.

Amateeka Agokubiri 5:6

‘Ninze Musengwa Katonda, oyo Katonda waimwe eyabatoola mu Misiri, ye mwali nga mukola obwiru.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.

Abalamuzi 2:1

Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”