Okuvaayo 20:16 - Baibuli Ekibono kya Katonda 2014

¹⁶ “Mutaghanga ku muntu budhulizi bwa bulimba.

Okuvaayo 20:16 ပူးပေါင်းရင်းမြစ်များ

Zabbuli 15:3

Tasiiga liina lya muntu yeenayeena nziro, takola mwine kibi, era taja ng'ageya baliraanwa be.

Okuvaayo 23:1

“Otasansaanianga ngambo, era oteeyimbanga na mukozi wa bibi ng'ogha obudhulizi obutali butuufu.

Ensambo 10:18

Ole agisa obukyayi obumuli ku mwoyo aba muguya, ate ole asalagania ebibono ku bandi aba musiru.

Ensambo 11:13

Omuntu ayengeesa olubono, ayogera ebyama, aye omwesigwa aghanga okugisa ebyama.

Ensambo 19:5

Omuntu agha obudhulizi obw'obuguya aja kubonerezebwa, era oyo ayogera eby'obulimba azira gh'aliwonera.

Ensambo 25:18

Omuntu agha ku mwine obudhulizi obw'obulimba, aba wa kabi ng'oti n'omwigo ogw'entole bwe gutentena, oba ng'empiima bw'efumita, oba ng'akalaso bwe kakubitamu.

Abalevi 19:11

“Mutaibanga, mutakupankupanianga, era mutaguyaguyanga.

Abalevi 19:16

Otasansaanianga ngambo mu bantu bo, era oteesimbangagho kulumiriza muntu yeenayeena mu musango ogusobola okumuviiramu okwitibwa. Ninze Musengwa Katonda.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Matayo 19:18

Yaamukoba ati: “Ebiri gha?” Yesu yaakoba ati: “Toitanga, toyendanga, toibanga, otaghaayirizanga,

Luka 3:14

Abaisirukale boona baamubuuza bati: “Ate ife twena tukole ki?” Yaabairamu ati: “Mutanhaganga muntu yeenayeena waire okumughaamirizanga, mube bamativu n'ekyo ekibasasulwa.”

Ebikolwa by'Abatume 6:13

Baamusimbaku abadhulizi abaguya abaakoba bati: “Omusaadha ono talekera kwogera bibono bivumirira kifo kitukuvu n'Amateeka

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

Amateeka Agokubiri 5:20

“ ‘Mutaghanga ku bantu budhulizi bwa bulimba.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

2 Timotheo 3:3

abatalumirwa banaibwe, abatasaasira, abasala ku banaibwe ebibono, abatasobola kwefuga, abakambwe, abakyagha kiisi kikalamu,

Yakobo 4:11

Aboluganda, mutoogeranga bubi ku banaimwe. Ole ayogera ku woluganda obubi oba amusalira musango, aba ayogeire bubi ku Mateeka era aba agasaliire omusango. Ate nga bw'osalira Amateeka omusango oba tokaali mugemi wa Mateeka, aye oba ofuuse agasalira omusango.