Okuvaayo 20:13 - Baibuli Ekibono kya Katonda 2014

¹³ “Mutatemulanga.

Okuvaayo 20:13 ပူးပေါင်းရင်းမြစ်များ

2 Bakyabazinga 21:16

Kyabazinga Manasse yaita abantu kamaala inho abaziraku musango, yaidhuza Yerusalemu kyonakyona omusaayi kyabuna. Okwo yaayongeraku ekibi eky'okuleetera ab'omu Buyudaaya okukola ebibi eri Musengwa Katonda.

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

Okuvaayo 21:12

“Omuntu yeenayeena anaakubanga omuntu n'amwita, yeena anaabanga n'okwitibwa.

Okuvaayo 21:14

Aye omuntu anaalumbanga mwine mu bugenderevu, n'asala amagezi n'amwita, oyo ni bw'anaabanga ng'alumukiire ku alutaari yange okwewonia, anaatoolebwangayo yaitibwa.

Okuvaayo 21:20

“Omuntu bw'anaatoolanga omwigo n'akuba omwiru we omusaadha oba omwiru we omukazi n'amwitiragho, omuntu oyo aidhanga kubonerezebwa.

Okuvaayo 21:29

Aye ente eyo bw'eba ng'ebairenga erumbagana abantu, era nga mwene yo yalabulwa aye yaaba nga tagisiba, memale n'efula omuntu n'emwita, ente eyo enaakubwanga amabaale yaafa, ni mwene yo anaitibwanga yeena.

Okuvaayo 23:7

“Weesambirenga irala okughaayiriza omuntu yeenayeena. Omuntu aziraku musango era omutuufu, otamusaliranga gwa kufa. Kuba tiriroba kuvunaana kiisi mukozi wa kibi.

Ensambo 1:11

Kuba basobola okukoba bati: “Idha tweteege omuntu tumwite, tulumbe omuntu aziraku musango tumugwikirize.”

Ensambo 1:18

Aye abantu abo beetegamu beene omutego beite, baabwama okuzikiriza obulamu obwaibwe bwene.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Abalevi 24:17

“Oyo aitanga omuntu, yeena aitibwanga.

Abalevi 24:21

Aitanga ensolo, agirighangamu eyindi enamu. Oyo aitanga omuntu, yeena aitibwanga.

Matayo 19:18

Yaamukoba ati: “Ebiri gha?” Yesu yaakoba ati: “Toitanga, toyendanga, toibanga, otaghaayirizanga,

Mariko 10:19

Ebiragiro obiidhi: ‘Toitanga, toyendanga, toibanga, toghaayirizanga, tokupankupanianga, lata wo n'inhoko obaghanga ekitiisa.’ ”

Luka 18:20

Oidhi ebiragiro: ‘Toyendanga, toitanga, toibanga, toghaayirizanga. Lata wo n'inhoko obaghanga ekitiisa.’ ”

Ebikolwa by'Abatume 16:28

Aye Paulo yaayasiikana ati: “Oteita! Twenatwena tuligho!”

Ebikolwa by'Abatume 28:4

Abataka bwe baabona ng'omusota gulengeedhera ku mukono gwe baakoba bati: “Bwenebwene omuntu ono mwisi. Waire awonie enhandha Omusango gumunonereiza.”

Ab'e Roma 13:9

Ebiragiro ebikoba biti: “Otayendanga, otaitanga, otaibanga, otabanga na kwegomba bya beene”, n'ebiragiro ebindi byonabyona biri mu iteeka eirala erikoba liti: “Gonzanga muntu mwino nga bwe weegonza mwene.”

Ab'e Galatia 5:21

okweyendeza eby'abandi, okutamiira, okwemalira mu bibinuko, n'ebindi ebiri ng'oti n'ebyo. Mbalabula ng'oti bwe nabalabulaku eira, nti abantu abakola ebintu ebyo tibaliba na mugabo mu Bwakyabazinga bwa Katonda.

Amateeka Agokubiri 5:17

“ ‘Mutatemulanga.

1 Timotheo 1:9

Tugwaine tukimanhe ng'amateeka tigateebwagho lwa bantu batuufu, aye lwa abo abagamenha n'abadheemu abatatya Katonda, n'aboonooni abatali batukuvu, n'abatatya bitukuvu, n'abatemula baiseibwe ni bainhaibwe, n'abatemo abandi.

Yakobo 2:11

kuba eyakoba ati: “Otayendanga,” era n'omulala eyakoba ati: “Otaitanga.” Bw'otayenda aye n'oita, oba ofuuse mumenhi wa mateeka.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.