Okuvaayo 20:12 - Baibuli Ekibono kya Katonda 2014

¹² “Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Okuvaayo 20:12 ပူးပေါင်းရင်းမြစ်များ

Amainhama 48:12

Agho Yosefu yaabatoola ku makiryaivu ga Isiraeli, era yaakuba amakiryaivu n'obweni bwatuuka ku itaka.

Amainhama 50:12

Kale abaana ba Yakobo baakola nga mwene bweyabalagira.

1 Bakyabazinga 2:19

Kale Bathisheba yaaja ye kyabazinga Solomoni okwogererayo Adoniya. Kyabazinga yaasituka okusangaaza inhina ng'akutaimeku. Yaatyama ku kityamo kye eky'obwakyabazinga. Yaalagira baaleetera inhina ekityamo, inhina yaatyama ku luuyi olw'omukono omusaadha olwa kyabazinga.

2 Bakyabazinga 2:12

Elisha yaakibona, era yaaleekaana ati: “Lata wange, lata wange! Iwe ow'amaani ng'oti n'ebigaali eby'omu lutalo n'embalaasi ebirwanirira Isiraeli!” Yaalekera agho okumubona. Agho Elisha oyo yaagema ebivaalo ebibye, yaabikanulamu ghabiri olw'okunakughala.

Okuvaayo 21:15

“Omuntu yeenayeena anaakubanga ise oba inhina, wa kwitibwanga.

Okuvaayo 21:17

“Omuntu yeenayeena anaakolimiranga ise oba inhina, wa kwitibwanga.

Ensambo 15:5

Omusiru anhooma abazaire be bye bamugalagira, aye ole aganha okunenezebwa aba mutegeevu.

Ensambo 17:6

Abakaire badhuga olw'okuba n'abaidhukulu, n'abaana beenhumiririza mu bazaire baibwe.

Ensambo 20:20

Omuntu akolimira ise oba inhina, obulamu bwe bulikoma ng'oti n'entaala ezikiziibwa mu nzikiiza eri bedimudimu.

Ensambo 28:24

Ole anhaga ku bazaire be ebyaibwe ng'alowooza ati ti kibi, aba n'ekirala n'omutemo.

Ensambo 3:16

Amagezi galeetera omuntu okughangaala, gaamuleetera n'okuba omukombe era ow'ekitiisa.

Ensambo 30:11

Ghaligho abantu abakolimira baiseibwe, era abatasabira bainhaibwe nkabi.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Yeremia 35:18

Agho naakobera ab'ekika kya Rekabu nti: “Musengwa Katonda Afuga Amagye, Katonda wa Isiraeli, akoba ati, ‘Mwagondera ebyo dhaadha waimwe Yonadabu bye yabakoba okukola, era mwajiira ku ebyo byonabyona bye yabalagira ni bye yabagalagira.

Yeremia 35:7

Ekindi yatukoba obutazimbanga ndhu, n'obutalimanga nimiro, oba okusimbanga amasamba g'emizabbibu, waire okugagula obugule. Yatulagira tusulenga mu weema buliidho, olwo tusobole okusigala nga tukaali mu nsi eno mwe tuli ng'abasenze.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Matayo 19:19

lata wo n'inhoko obaghanga ekitiisa, era ogonzanga mwino nga bwe weegonza mwene.”

Mariko 10:19

Ebiragiro obiidhi: ‘Toitanga, toyendanga, toibanga, toghaayirizanga, tokupankupanianga, lata wo n'inhoko obaghanga ekitiisa.’ ”

Mariko 7:10

Kuba Musa yakoba ati, ‘Lata wo ni inhoko obatangamu ekitiisa’, era ati, ‘Oyo avuma ise oba inhina aitibwenga bwitibwe.’

Luka 18:20

Oidhi ebiragiro: ‘Toyendanga, toitanga, toibanga, toghaayirizanga. Lata wo n'inhoko obaghanga ekitiisa.’ ”

Ab'Efeso 5:21

Buli muntu awulirenga mwine olw'okwisaamu Kurisito ekitiisa.

Amateeka Agokubiri 11:8

“Kale ni mutuukirizenga ebiragiro byonabyona bye ndi kubagha olwaleero, mughange okuba n'amaani, musomoke omwiga, muje mutwale ensi ye muli kumpi okwingiramu.

Amateeka Agokubiri 11:9

Era olwo musobole okughangaalira mu nsi eyo engimu era erimu ebirungi kamaala, Musengwa Katonda ye yasuubiza okugha badhaadha baimwe n'eizaire lyaibwe.

Amateeka Agokubiri 21:18

“Abazaire basobola okuba ni mutabane waibwe ow'empwitu era omudheemu, atagondera ise oba inhina, era nga ni bwe bamubonereza taganha kubawulira.

Amateeka Agokubiri 25:15

Mukozesenga ebipimo ebituufu n'ebigero ebiidhuvu, memale olwo mughange okughangaalira mu nsi Musengwa Katonda waimwe y'ali kubagha.

Amateeka Agokubiri 27:16

“ ‘Omuntu yeenayeena anaanhoomanga ise oba inhina, akolimirwenga!’ “Olwo abantu boonaboona baliiramu bati, ‘Amiina.’

Amateeka Agokubiri 32:47

Kuba bino ti bibono bya kudhondha budhondhe. Aye n'obulamu bwaimwe bwene, era n'ebiribaleetera okughangaalira mu nsi ye muli kuja okutwala nga musomoike omwiga Yorudani.’”

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”

Amateeka Agokubiri 5:16

“ ‘Mughenga balata baimwe ni bainhaimwe ekitiibwa, nga nze Musengwa Katonda waimwe bwe mbalagira, olwo mughange okubanga obukalamu era mughangaalire mu nsi ye ndi kubagha.

Amateeka Agokubiri 5:33

Mujiirenga ku ebyo byonabyona Musengwa Katonda waimwe bye yabalagira, mughange okuba obukalamu, mughangaalire mu nsi ye muja okutwala.”

Amateeka Agokubiri 6:2

Imwe n'abaana baimwe era n'abaidhukulu baimwe, mutenga mu Musengwa Katonda waimwe ekitiisa enaku edh'obulamu bwaimwe dhoonadhoona. Mutuukirizenga amateeka ge goonagoona n'ebiragiro bye, bye ndi kubagha, mughange okughangaalira mu nsi eyo.

Ab'e Kolosai 3:20

Abaana, mugonderenga ababazaala buliidho, kuba ekyo Musengwa ky'asangaalira.

Ruthi 3:6

Kale Ruthi yaaja ghe bakubira sayiri era yaakola nga inhazaala we bwe yamukoba.

1 Samueli 22:3

Eyo Daudi yaavaayo, yaaja e Mizipa eky'e Moabu, yaakoba kyabazinga w'e Moabu ati: “Nkweghembye ganha lata wange ni maama baidhe babe ghano n'iwe, okutuusa nga mmaze okumanha Katonda ky'aja okunkolera.”