Okuvaayo 2:23 - Baibuli Ekibono kya Katonda 2014

²³ Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

Okuvaayo 2:23 ပူးပေါင်းရင်းမြစ်များ

Amainhama 16:11

Kabiri yaamukoba ati: “Buti oli nda, oidha kuzaala omwana mulenzi, omutuume eriina Ishimaeli, kuba Musengwa Katonda awuliire okudaazibwadaazibwa kwo.

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Nehemia 9:9

Wabona okudaazibwadaazibwa kwa badhaadha baife nga bali mu Misiri, era waabawulira bwe baakulirira nga bali ku Nhandha Emyufu.

Yobu 35:9

Olw'okutuntuzibwa okungi, abantu bakuba enduulu, baalira nga benda okufuna anaabawonia.

Zabbuli 102:1

Wo Musengwa Katonda, ndhiraamu okusaba kwange, owulire okulira kwange.

Zabbuli 102:2

Bwembanga mu buzibu otandekuliranga bw'agho. Wuliranga kye nkoba, oyangughengaku okumbeera nga nkwese.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 18:6

Bwenali ndi mu buzibu nasaba Musengwa Katonda, naalirira Katonda wange ambeere; yawulira amamiro gange ng'ali mu isinzizo, era okulira kwange kwamutuuka mu kutu.

Okuvaayo 1:14

n'obulamu bwabakaayira. Baabakozesanga mu kuzimba, ni mu mirimo egindi gyonagyona egy'omu nimiro. Era nga tibabasaasiraku naire.

Okuvaayo 4:19

Musa bweyali ng'akaali mu Midia, Musengwa Katonda yaamukoba ati: “Irayo e Misiri, kuba abantu boonaboona abaayendanga okukwita baafa.”

Okuvaayo 6:5

Ate ekindi naawulira okulira okw'Abaisiraeli, Abamisiri be baafuula abairu, naidhukira endagaano yange.

Okuvaayo 6:9

Musa yaakobera atyo Abaisiraeli aye baaloba kumuwulirisa, kuba okukozesebwa obwiru n'obukambwe byali byabamalamu amaani n'eisuubi.

Okuvaayo 7:7

Musa yali agheza emyaka kinaana egy'obukulu, ate Aaroni ng'agheza kinaana n'esatu, mu kiseera ghe baayogerera ni kyabazinga.

Isaia 19:20

Obwo buliba bumanhiso obwoleka nga Musengwa Katonda Afuga Amagye ali mu nsi Misiri. Era abantu bwe balimulirira nga bali kutuntuzibwa, alibatumira omuyambi yaabalwanirira era yaabawonia.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Okubala 20:16

Bwe twalirira Musengwa Katonda, Musengwa Katonda oyo yawulira okulira kwaife, yaatutumira malaika yaatutoola mu Misiri. Mpegaano tuli ghano e Kadeshi, ekibuga ekiri ku nsalosalo n'ekiketezo kyo.

Ebikolwa by'Abatume 7:30

“Emyaka amakumi ana (40) bwe gyabitagho, malaika yaabonekera Musa mu nnimi edh'omuliro ogwali gwakira mu kisaka eyo mu irungu okumpi n'olusozi Sinai.

Amateeka Agokubiri 24:15

Buli lunaku lw'akoze oidhanga kumugha empeera ye ng'endhuba ekaali kugwa kuba empeera ye agyetaaga, era aba ng'ateegereire okugifuna. Bw'otaagimughenga, aidha kuliriranga Musengwa Katonda ng'akughaghabira, olwo obeeku omusango olw'ekibi ekyo.

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.

1 Samueli 12:8

Yakobo bwe yaja e Misiri n'ab'endhu ye, memale Abamisiri ni babatuntuza, badhaadha baimwe abo baalirira Musengwa Katonda. Era Musengwa Katonda yaatuma Musa ni Aaroni, baatoola badhaadha baimwe abo e Misiri, baabaleeta okuba mu nsi eno.

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”