Okuvaayo 2:20 - Baibuli Ekibono kya Katonda 2014

²⁰ Lata waibwe yaababuuza ati: “Memale ali gha? Lwaki mumuleseeyo? Muje mumwete alye ku mere.”

Okuvaayo 2:20 ပူးပေါင်းရင်းမြစ်များ

Amainhama 18:5

Ndidha kuleeta ni ku kamere, mulyeku mufune amaani memale mweyongereyo, kuba mukyaliire omugheereza waimwe.” Bale bairamu bati: “Kola nga bw'okobye.”

Amainhama 29:13

Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona.

Amainhama 31:54

Yakobo yaagheera eyo omusengo ku lusozi olwo, yaayeta aboluganda lwe okulya emere. Baalya era baasula eyo ku lusozi.

Amainhama 43:25

Baategeka ebirabo eby'okugha Yosefu ng'aidhie ye bali ku saawa omukaaga edh'omusana, kuba baali babakobye bati baidha kulya naye eky'omusana.

Yobu 31:32

Abatambuze nabasangaazanga, tyabalekanga kusula ku ngira.

Yobu 42:11

Agho baganda ba Yobu ni baanhina, ni boonaboona abaali bamwidhi baidha, baaliira ghalala naye ekiiwulo mu nnaku ye. Era baamusaasira olw'ebizibu byonabyona Musengwa Katonda bye yamutuusaaku. Buli muntu yaamugha ekitundu kya feeza n'empeta eya zaabu.

Okuvaayo 2:19

Baamwiramu bati: “Ebaireyo omusaadha Omumisiri atuwoniiza abaayi ababaire bali kutulobera amaadhi, era yaatusenera n'amaadhi yaatugheera ebyayo byaife.”

Okuvaayo 2:21

Agho Musa yaabona ng'amaka ag'omusaadha oyo malungi ga kubaamu. Era omusaadha oyo yaamugha mughala we Zippori.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Abaheburayi 13:2

Timwerabiranga kusangaazanga bantu be mutaidhi, kuba ghaligho abasangaaza bamalaika nga tibaidhi.