Okuvaayo 2:11 - Baibuli Ekibono kya Katonda 2014

¹¹ Lwali lulala nga Musa amaze okukulira irala, yaafuluma mu kisaagaati yaaja okubona ku bantu be Abaheburayi. Bwe yatuuka yaalingirira yaabona engeri ye baabakakanga okukola emirimo emikalangufu. Era yaabona Omumisiri ng'ali kukuba owundi ku bantu be abo, ate nga Musa yeena yali Muheburayi.

Okuvaayo 2:11 ပူးပေါင်းရင်းမြစ်များ

Okuvaayo 1:11

Kale baabataaku Abamisiri abaabasaliranga amakatala, baabakozesanga emirimo emikalangufu. Batyo Abaisiraeli baazimbira Kyabazinga wa Misiri ebyagi ebikologho eby'okuterekangamu emere mu bibuga Pithomu ni Raamusesi.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Okuvaayo 5:14

Era baagwa ku Baisiraeli be baataagho okukaka banaibwe emirimo baabakuba nga bababuuza bati: “Lwaki omughendo ogw'amatoofaali ge muli n'okuwumba buli lunaku tiguwoireeyo olwaleero?”

Okuvaayo 5:4

Aye kyabazinga yaakoba Musa ni Aaroni ati: “Lwaki muli kwenda okutoola abantu ku mirimo gyaibwe? Muje mukole gye muteekwa okukola.”

Okuvaayo 5:5

Era kyabazinga yaakoba ati: “Mubona abantu abagheze obwaga agho mu nsi, nga kabiri mwenda kubawuumuza baleke agho emirimo gye bateekwa okukola!”

Okuvaayo 5:9

Abantu abo mubongere emirimo emikalangufu babe nga bakola inho, babule ekiseera eky'okuwulirisa eby'obuguya.”

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,