Okuvaayo 19:6 - Baibuli Ekibono kya Katonda 2014

⁶ Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Okuvaayo 19:6 ပူးပေါင်းရင်းမြစ်များ

1 Bakyabazinga 3:8

Ate nze omugheereza wo ndi mu bantu be walondamu, eighanga eikologho, olukunkumuli olw'abantu abatasoboka kubalika.

1 Bakyabazinga 8:53

kuba wabalonda mu maghanga goonagoona ag'oku nsi, okuba ababo ku bubwo, nga bwe wakoba ng'obita mu mugheereza wo Musa, bwe watoola badhaadha baife mu Misiri.”

1 Ebyomubyanda 17:22

Wataagho Abaisiraeli babenga bantu bo ebyanda n'ebyanda, ate iwe Musengwa Katonda waafuuka Katonda waibwe.

Zabbuli 114:2

olwo Abayudaaya lwe baafuuka abantu ba Musengwa Katonda abatukuvu, Abaisiraeli lwe baafuuka abantu be, be yeerondera.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Okuvaayo 22:31

“Mwidha kubanga bantu bange abatukuvu. Olw'ekyo mutalyanga mamba ya nsolo eitiibwa nsolo dha mu nsiko, mugisuuliranga mbwa.

Okuvaayo 28:36

Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Isaia 43:4

Ndighaayo abantu kamaala olw'okukuzaawula, era naaghaayo amaghanga mangi ku lw'obulamu bwo; kuba nkugonza inho era nkutwala ng'oli wa mughendo era wa kitiibwa ye ndi.

Isaia 61:6

Aye imwe, abantu balibeetanga bakabona ba Musengwa Katonda, era abagheereza ba Katonda waife. Mulikozesanga obukombe bw'amaghanga, bwabaleeteranga imwe okuteebwamu ekinhagansi.

Isaia 62:12

Mulyetebwa “Bantu batukuvu,” era “Abantu aba Musengwa Katonda abaanunulwa.” N'iwe Yerusalemu olyetebwa “Kibuga Katonda ky'ayenda,” era “Kibuga Katonda ky'atalekulirangaku agho.”

Isaia 66:21

Abandi ku abo ndibafuula bakabona na Balevi. Nze Musengwa Katonda, ninze nkobye.

Yeremia 13:11

Ng'ekivaalo ky'omu nkende bwe kyegemera irala ku nkende y'omuntu, ntyo bwe nayenda n'abantu b'omu Isiraeli n'ab'omu Buyudaaya boonaboona baneegemereku irala. Olwo babenga bantu bange abaleetera eriina lyange okusaakibwa n'okutiibwa. Aye beene baaloba okungondera.”

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Abalevi 20:26

Mubenga batukuvu, era nga muli bange zenka, kuba nze Musengwa ndi mutukuvu era nabaawula ku maghanga agandi, mughange okuba abange zenka.

Abalevi 21:23

Aye olw'okuba ng'aliku ekikyamu, taingirenga ghali lutimbe lutukuvu era taaseetenga ghali alutaari alobe kwonoona ebitukuvu ebyo, kuba ninze Musengwa Katonda abifuula ebitukuvu.”

Amosi 3:2

Akoba ati: “Mu maghanga goonagoona agali ku nsi, eryaimwe lyonka lye nalondamu. Ekyo n'ekireetera okwonoona kwaimwe okuba okubi einho, era zeena kyenva ni nteekwa okubabonereza olw'okwonoona kwaimwe okwo.”

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Okubala 16:3

Beesoloza, baaja baadheemera Musa ni Aaroni, baabakoba bati: “Mubitiriiza okwekuluntaza! Abantu boonaboona ab'eighanga lino ba Musengwa Katonda era Musengwa Katonda aba mu ife. Kale lwaki mwetwala nga muli ba ghaigulu inho okusinga abantu ba Musengwa Katonda abo?”

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

1 Ab'e Korintho 3:17

Kale buli muntu azikiriza eisinzizo lya Katonda, Katonda alimuzikiriza kuba eisinzizo lya Katonda itukuvu era imwe beene niimwe eisinzizo eryo.

Amateeka Agokubiri 14:21

“Mutalya ku kintu kyonakyona ekifiire kyene. Munaabanga ba idembe okukigha abasenze ababa mu nsi yaimwe okukirya, oba munaabanga ba idembe okukiguza abasenze abandi. Aye imwe muli ighanga, Musengwa Katonda waimwe lye yafuula erirye. “Mutafumbiranga mamba ya mbuzi nto oba ya ntaama nto, mu mata ga inhaayo.”

Amateeka Agokubiri 26:19

memale olwo abafuule bakologho okusinga amaghanga agandi goonagoona ge yatonda abantu babasaakenga era babatengamu ekitiisa, nga muli bamanhifu, era mubeerenga irala ighanga lya Musengwa Katonda nga bwe yasuubiza.”

Amateeka Agokubiri 28:9

“Bwe munaawuliranga Musengwa Katonda waimwe, ni mujiira ku ebyo by'abalagira, aidha kubakuumanga nga muli ighanga lye eitukuvu, nga bwe yabasuubiza.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

1 Ab'e Thessalonika 5:27

Mbasikirira mu liina lya Musengwa nti embaluwa eno esomerwe aboluganda boonaboona.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.

Okwolekebwa 20:6

Ba nkabi era batukuvu abazuukirira mu kuzuukira kuno okusooka. Abo, okufa okwokubiri kubaziraku bukumu, aye baliba bakabona ba Katonda era ba Kurisito era balifuga naye emyaka lukumi.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”