Okuvaayo 19:5 - Baibuli Ekibono kya Katonda 2014

⁵ Kale ni, bwe munaagonderanga bye mbakoba, ni mukuuma endagaano yange, mwidha kubanga bantu bange ab'endhawulo ku bantu bange abandi boonaboona. Ensi yoonayoona yange, aye imwe munaabanga bantu bange abalondemu.

Okuvaayo 19:5 ပူးပေါင်းရင်းမြစ်များ

Amainhama 17:9

Katonda yaakoba Aburahamu ati: “Agho ni, iwe oteekwa okukuuma endagaano yange, iwe mwene era ni baidhukulu bo ab'omu nse edhiriiragho.

1 Bakyabazinga 8:53

kuba wabalonda mu maghanga goonagoona ag'oku nsi, okuba ababo ku bubwo, nga bwe wakoba ng'obita mu mugheereza wo Musa, bwe watoola badhaadha baife mu Misiri.”

1 Ebyomubyanda 17:22

Wataagho Abaisiraeli babenga bantu bo ebyanda n'ebyanda, ate iwe Musengwa Katonda waafuuka Katonda waibwe.

Yobu 41:11

Naani eyasooka okumpa, ye nteekwa n'okwiriza? Kiisi ekiri ghansi gh'eigulu kyange.

Yobu 41:3

Enaakwegayirira ogireke eje? Enaayogera n'iwe bukalamu ogisaasire?

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Zabbuli 24:1

Ensi ya Musengwa Katonda n'ebigiriku byonabyona; n'Abantu boonaboona abali ku nsi ba Musengwa Katonda;

Zabbuli 25:10

Okugonza kwa Musengwa Katonda okungi n'obwesigwa bwe, byeyolekera mu nsambo y'atwalamu abo abakuuma endagaano ye era ni bagondera ebiragiro bye.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Okuvaayo 23:22

“Aye bwe mwisaayo einho omwoyo okugondera by'akoba era ni mukola byonabyona bye mbalagira, ndidha kubanga muzigu wa bazigu baimwe era ndidha kulumbanga abo ababalumba.

Okuvaayo 24:7

Agho yaatoola ekitabo eky'endagaano yaakisoma ng'abantu boonaboona bawulira, era baakoba bati: “Ebyo byonabyona Musengwa Katonda by'atukobye okukola twidha kubikola, era twidha kumugonderanga.”

Okuvaayo 34:9

Era yaakoba ati: “Wo Musengwa Katonda, oba nga ongemeirwa ekivunika, nkusaba obe mu ife tujiire ghalala niiwe. Waire ng'abantu bano ba mpwitu, tukusaba otusonighe olw'okukola ebibi n'olw'empwitu otutwale nga tuli bantu bo.”

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 8:22

Aye ku lunaku olwo, ekiketezo eky'e Gosheni eyo abantu bange ye baba, nja kukibisa mu nsambo ya ndhawulo. Eyo teja kubaayo bikuukuulu bya nsowera, era olwo mulimanha nga ninze Musengwa Katonda ali kukola ebintu ebyo mu Misiri.

Okuvaayo 9:29

Musa yaamwiramu ati: “Olunaafuluma ekibuga kino nti, ndidha kughanika emikono nsabe Musengwa Katonda, okubwatuka okw'olukuba kusirike era n'omugozi gwonagwona guweegho, olwo omanhe ng'ensi ya Musengwa Katonda yenka.

Olwembo 8:12

Solomoni k'afune ebitundu bye ebya feeza olukumi (1,000), n'abalimi abapangisa bafunemu ebitundu ebikumi ebibiri (200). Aye eisamba eryange lirigho nga lyange ku bwange.

Isaia 1:19

Bwe munaabanga abagonvu era abawulize, mwidha kulyanga ku bibala ebirungi ebiva mu nsi yaimwe.

Isaia 41:8

Aye iwe eighanga Isiraeli, oli mugheereza wange, oli mwidhukulu wa Yakobo, era niiwe ye nalondamu, iwe eizaire lya Aburahamu mukagwa wange.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 56:4

Musengwa Katonda akoba abantu abo ati: “Omulaawe akuuma Sabbato dhange, n'asalagho okukolanga bye nsiima, era ni yeekalangula ku ndagaano yange,

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Yeremia 13:11

Ng'ekivaalo ky'omu nkende bwe kyegemera irala ku nkende y'omuntu, ntyo bwe nayenda n'abantu b'omu Isiraeli n'ab'omu Buyudaaya boonaboona baneegemereku irala. Olwo babenga bantu bange abaleetera eriina lyange okusaakibwa n'okutiibwa. Aye beene baaloba okungondera.”

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Amosi 3:2

Akoba ati: “Mu maghanga goonagoona agali ku nsi, eryaimwe lyonka lye nalondamu. Ekyo n'ekireetera okwonoona kwaimwe okuba okubi einho, era zeena kyenva ni nteekwa okubabonereza olw'okwonoona kwaimwe okwo.”

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Malaki 3:17

Musengwa Katonda Afuga Amagye akoba ati: “Abo baliba bantu bange, nga bange mu ngeri ey'endhawulo. Era ku lunaku lwe ndituukirizaaku ekibonerezo kye ntegeike, abo ndibasaasira ng'omuzaire bw'asaasira omwana we omugonvu amugheereza.

1 Ab'e Korintho 10:26

kuba ebyaghandiikibwa bikoba biti: “Ensi n'ebigirimu byonabyona bya Musengwa.”

1 Ab'e Korintho 10:28

Aye ole bw'akukobera ati: “Kino kyagheebwayo eri ekisinzibwa ekitali Katonda,” otakiryanga ku lw'oyo akukobeire, ni ku lw'omwoyo.

Amateeka Agokubiri 10:14

Bona eno, eigulu lyonalyona eyo ye likoma okweruupiika, lya Musengwa Katonda waimwe, era n'ensi n'ebigirimu byonabyona bibye.

Amateeka Agokubiri 11:27

Mwidha kugheebwanga enkabi, bwe munaawuliranga ebiragiro bya Musengwa Katonda waimwe bye ndi kubagha olwaleero.

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Amateeka Agokubiri 14:21

“Mutalya ku kintu kyonakyona ekifiire kyene. Munaabanga ba idembe okukigha abasenze ababa mu nsi yaimwe okukirya, oba munaabanga ba idembe okukiguza abasenze abandi. Aye imwe muli ighanga, Musengwa Katonda waimwe lye yafuula erirye. “Mutafumbiranga mamba ya mbuzi nto oba ya ntaama nto, mu mata ga inhaayo.”

Amateeka Agokubiri 26:18

Era Musengwa Katonda akakaisa olwaleero ati muli eighanga erirye ku bubwe nga bwe yasuubiza. Era yaabalagira okugemanga ebiragiro bye byonabyona,

Amateeka Agokubiri 26:19

memale olwo abafuule bakologho okusinga amaghanga agandi goonagoona ge yatonda abantu babasaakenga era babatengamu ekitiisa, nga muli bamanhifu, era mubeerenga irala ighanga lya Musengwa Katonda nga bwe yasuubiza.”

Amateeka Agokubiri 28:1

Musa yaakoba Abaisiraeli ati: “Bwe muneekalangulanga okuwulira Musengwa Katonda waimwe, ni mugema ebiragiro bye byonabyona bye ndi kubagha olwaleero, era ni mubituukiriza, Musengwa Katonda waimwe alibafuula eighanga eikologho erisinga amaghanga agandi goonagoona agali ku nsi.

Amateeka Agokubiri 28:9

“Bwe munaawuliranga Musengwa Katonda waimwe, ni mujiira ku ebyo by'abalagira, aidha kubakuumanga nga muli ighanga lye eitukuvu, nga bwe yabasuubiza.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.

Amateeka Agokubiri 5:2

Musengwa Katonda waife yakola n'ife endagaano ku lusozi Sinai.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

Amateeka Agokubiri 9:29

Ate nga abo n'abantu bo, ababo ku bubwo, be watoola mu Misiri n'obuyinza bwo obungi era n'amaani amangi.’ ”

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 11:8

Okwikiriza n'okwaleetera Aburahamu okuwulira Katonda bwe yamweta ave ku butaka, aje mu nsi ye yali aja okugheebwa ng'ekisuubizo, era yaaja nga taidhi y'aja.

Abaheburayi 8:9

Teriba oti n'endagaano ye nakola ni badhaadha baibwe, ku lunaku lwe nabagema ku mukono okubatoola mu nsi Misiri; kuba tibaakalangukira ku ndagaano ye nakola nabo. Zeena kyenava ni ndekayo okubafaaku.

Yoshua 24:24

Abantu baakoba Yoshua bati: “Twidha kugheerezanga Musengwa Katonda waife, era twidha kugonderanga ebiragiro bye.”

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.