Okuvaayo 19:4 - Baibuli Ekibono kya Katonda 2014

⁴ ‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Okuvaayo 19:4 ပူးပေါင်းရင်းမြစ်များ

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Hosea 11:1

Musengwa Katonda akoba ati: “Isiraeli bwe yali omuto namugonzanga, naamweta okuva e Misiri nga mwana wange.

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Amateeka Agokubiri 1:30

Musengwa Katonda waimwe abakulemberamu, n'aidha okubalwaniragho, nga bwe mwabona byonabyona bye yakolera e Misiri

Amateeka Agokubiri 1:31

ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’

Amateeka Agokubiri 29:1

Eno n'endagaano Musengwa Katonda ye yalagira Musa okukola n'Abaisiraeli mu nsi Moabu, ng'eyongerwa ku ndagaano Musengwa Katonda ye yakola nabo ku lusozi Sinai.

Amateeka Agokubiri 29:2

Musa yaayeta Abaisiraeli boonaboona, yaabakoba ati: “Mwabona n'amaiso gaimwe ebyo byonabyona Musengwa Katonda bye yakola mu nsi Misiri ku kyabazinga waayo, ni ku bakungu be, ni ku bantu b'ensi eyo boonaboona.

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Yoshua 23:3

Muboine byonabyona Musengwa Katonda waimwe bye yakola amaghanga ag'endhawulo ku lwaimwe kuba Musengwa Katonda oyo n'abaire abalwaniranga entalo dhaimwe.

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.