Okuvaayo 19:24 - Baibuli Ekibono kya Katonda 2014

²⁴ Musengwa Katonda era yaamukoba ati: “Ika ghansi onone Aaroni mwire naye ghano aye bakabona n'abantu otabaganha kutuuma nsalosalo kwidha ghe ndi, bwe banaakola batyo ndidha kubabonereza.”

Okuvaayo 19:24 ပူးပေါင်းရင်းမြစ်များ

1 Ebyomubyanda 13:9

Bwe baatuuka mu kifo aghakubirwa engaano ekya Kidoni, ente dhaaba oti dhenda kugwa. Kale, Uzza yaagolola omukono, yaagema n'engalo dhe ku Sanduuku ey'endagaano erobe kugwa.

Okuvaayo 19:12

Era ja oteegho ensalosalo olusozi kwe lukanga, okobe abantu beegendereze obutaja ku lusozi waire okutuuka okumpi n'ensalosalo eyo. Oyo yeenayeena anaaniina ekigere ku lusozi olwo ali n'okwitibwa.

Okuvaayo 19:25

Kale Musa yaika ghansi, yaakobera abantu Musengwa Katonda bye yamukoba.

Okuvaayo 24:1

Agho Musengwa Katonda yaakoba Musa ati: “Iwe, ni Aaroni, ni Nadabu, ni Abihu, aghalala n'abakulu ab'ebikunsu mu Isiraeli nsanvu, muniine olusozi nga mwidha ye ndi nze. Aye bwe munaaba nga mukaali ghalaku, musooke mukube amakiryaivu munsinze.

Okuvaayo 24:9

Agho Musa, ni Aaroni, ni Nadabu, ni Abihu, ghalala n'abakulu ab'ebikunsu mu Isiraeli nsanvu, baaniina olusozi

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Matayo 11:12

Okuva mu byanda bya Yoanne okutuusa buti, Obwakyabazinga obw'omu igulu butwalibwa na maani, era abakozesa amaani n'ababutwala

Luka 13:24

“Mufube inho okungirira mu mulyango omufunda, kuba ka mbakobere abantu kamaala baligezaaku okungira aye tibalighanga.

Luka 16:16

“Amateeka n'abalanzi byaligho okutuuka ku Yoanne okuva n'olwo Obwakyabazinga bwa Katonda bwayegeresebwa nga n'Amawulire Amalungi, era buli muntu agezaaku okubungiramu n'amaani.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Ab'e Roma 4:15

Amateeka galeeta obusungu bwa Katonda, aye aghazira Mateeka, tighaba kwonoona.

Ab'e Galatia 3:19

Olwo kiki ekyateesaagho Amateeka? Gaateebwagho okwoleka okwona, era gaali nga ga kubaagho okutuusa ku kwidha kwa mwidhukulu wa Aburahamu. Omwidhukulu oyo n'oyo ayogerwaku mu kisuubizo ekyasuubizibwa Aburahamu. Amateeka bamalaika baagaleeta nga gabita mu muntu eyagemagania Katonda n'abantu.

Ab'e Galatia 3:22

Aye ng'ebyaghandiikibwa bwe bikoba, ensi yoonayoona esibiibwa mu maani ag'ekibi, olwo ekirabo ekyasuubizibwa olw'okwikiriza mu Yesu Kurisito kibe nga kigheebwa abo abaikiriza.

Abaheburayi 12:29

kuba Katonda waife muliro gwene oguzikiriza.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.