Okuvaayo 19:21 - Baibuli Ekibono kya Katonda 2014

²¹ Yaamukoba ati: “Ika ghansi olabule abantu batatuuma nsalosalo kwidha kuneerolera, kuba bwe banaakikola, abantu kamaala ku abo baidha kufa.

Okuvaayo 19:21 ပူးပေါင်းရင်းမြစ်များ

Okuvaayo 3:3

Yaakoba mule ati: “Kino kyewuunhisa! Omuliro gwagema guti ekisaka, aye kyaloba kusiriira! Ka nseete mbone bukalamu.”

Okuvaayo 3:5

Katonda oyo yaamukoba ati: “Otayongera kuseeta. Toolamu engaito dho, kuba gh'oyemereire kifo kitukuvu.”

Okuvaayo 33:20

Aye toidha kumbona mu maiso, kuba omuntu tasobola kumbona mu maiso n'asigala nga mulamu.

Omulangirizi 5:1

Weegenderezenga inho ng'oli kuja mu isinzizo. Okujaayo n'owulirisa oyege, kisingaku okumala gaghaayo misengo ng'abasiru bwe bakola; kuba tibaidhi nga bali kukola kibi.

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 4:18

“Mutalekanga bantu basimuka mu Kohathi kufa kuwaagho mu Balevi.

Okubala 4:19

Aye mukolenga muti olwo balobenga kufa nga baseese okumpi n'ebintu ebitukuvu: Aaroni ni batabane be n'abanaasookanga bangira, baagabira buli muntu ky'anaakola ni ky'anaabbeeda.

Okubala 4:20

Aye abantu abasimuka mu Kohathi abo batagezanga kuja kulinga ku bintu ebitukuvu, ni bwekaba akaseera obuseera, kuba ekyo kibaviiramu kufa.”

Amateeka Agokubiri 5:5

Mu biseera ebyo nze nayemerera ghagati waimwe ni Musengwa Katonda, okubakobera bye yali ali kubakoba. Kuba mwatya omuliro, mwaloba kuniina lusozi. Musengwa Katonda yaakoba ati:

1 Samueli 6:19

Agho Musengwa Katonda yaita abantu ab'e Bethi Shemeshi nsanvu, olw'okuba baalinga mu Sanduuku ey'endagaano ye. Abantu baalira inho olwa Musengwa Katonda okwita abantu abangi batyo.