Okuvaayo 19:18 - Baibuli Ekibono kya Katonda 2014

¹⁸ Olusozi Sinai lwaidhula omwosi, kuba Musengwa Katonda yalwikaku ng'ali mu muliro. Era omwosi ogwaluvangaku okuja ghaigulu nga guli ng'oti n'oguva mu kifo aghookerwa ebiwumbe olusozi lwonalwona lwatengeeta bubi inho.

Okuvaayo 19:18 ပူးပေါင်းရင်းမြစ်များ

Amainhama 11:5

Agho Musengwa Katonda yaika ghansi okubona ekibuga n'omunaala abantu abo bye baali bazimbye,

Amainhama 15:17

Endhuba bweyamala okugwa enzikiiza ng'egemye, mangu ago agho ghaabonekagho olugyo oluliku amanda nga gali kunioka omwosi, era ghaabonekagho n'engada edhiri kwaka; bino byombi byabita ghagati gh'ebitundu bire eby'ensolo.

Amainhama 19:28

Yaalinga e Sodoma n'e Gomorra, era ni mu biketezo eby'ekiiko yaabona omwosi nga gunioka ogugemye okuva mu biketezo ebyo, nga guli ng'oti n'omwosi ogw'oluyiira.

Nehemia 9:13

Wava mu igulu waika ku lusozi Sinai, waayogera nabo, waabagha endhegeresa entuufu, ey'amateeka n'ebiragiro eby'amazima.

Zabbuli 104:32

Oyo alinga bulinge ku nsi yaadhugumira, ate yaagema bugeme ku nsozi dhaanioka omwosi.

Zabbuli 114:4

Ensozi enene dheezinduka, dhaatuumaga ng'oti ntaama nume; obusozi obutono bwona bwezinduka, bwatuumatuuma ng'oti ntaama nto.

Zabbuli 114:7

Iwe ensi dhugumira nga Musengwa Katonda atuuse, nga Katonda wa Yakobo aboneike,

Zabbuli 144:5

Wo Musengwa Katonda, igulagho eigulu oike ku nsi; gema ku nsozi dhinioke omwosi.

Zabbuli 18:9

Yaigulagho eigulu yaika ku nsi, nga ghansi gh'ebigere bye ghaligho ekire ekiirugavu bezigizigi.

Zabbuli 68:9

Iwe wagwisa amaadhi kamaala, waiza buyaaka eitaka lyo eryali lyoneike.

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Okuvaayo 19:13

Era ghatabaagho amugemaku naire, aye bamukube bwa mabaale oba okumulasa n'akalaso afe. Kino kitwalizaamu abantu era n'ensolo. Endeka bw'efuuwa omukuzi omulala guti nga muleeyiriri, abantu baseete y'olusozi.”

Okuvaayo 19:17

Olwo Musa yaalagira abantu bave mu weema dhaibwe baje baagaanane ni Katonda. Baaja baayemerera ghansi gh'olusozi.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Okuvaayo 24:17

Abaisiraeli baabona ekitiisa kya Musengwa Katonda nga kiri ng'oti muliro oguli kubbeibbera ku lusozi ghaigulu.

Okuvaayo 3:2

Ghano malaika wa Musengwa Katonda yaamubonekera mu lulimi olw'omuliro nga luva mu kisaka ghagati. Musa yaalingirira ekisaka nga kigemye omuliro aye nga tikiri kusiriira.

Okuvaayo 34:2

Weetegeke, idho enkyo oidhe ku lusozi Sinai, onteegere eyo ghaigulu ku lusozi.

Isaia 6:4

Amamiro gaabyo gaatengeesa emisingi egy'emiryango gy'eisinzizo, era eisinzizo lyaidhula omwosi.

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Yeremia 4:24

Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Matayo 24:7

Eighanga lirirumba liinaalyo, n'obwakyabazinga bwalumba bwinaabwo. Ghalibaagho endhala ni musisi mu biketezo kamaala.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Amateeka Agokubiri 4:36

Imwe yabaleetera okuwulira amamiro ge ng'ali mu igulu, asobole okubeegeresa okumuwuliranga. Ni ku nsi yabooleka omuliro gwe ogw'amaani, mwawulira bye yayogerera ghagati ghaagwo.

Amateeka Agokubiri 5:22

“Ago n'amateeka Musengwa Katonda ge yabagha mwenamwena nga mwesoloiza ku lusozi. Yagabagha ng'ayogera mu mamiro ag'amaani, ng'ali mu muliro ghagati mu kire ekigemye enzikiiza, era tiyayongeraku bindi. Yagaghandiika ku bibaadho bibiri eby'amabaale, yaabimpa.”

Amateeka Agokubiri 5:4

Musengwa Katonda yayogera n'imwe maiso ku maiso eyo ku lusozi, ng'ali mu muliro ghagati.

2 Ab'e Thessalonika 1:7

era ife ghalala n'imwe abadaagadaaga alitugha okwesiima. Kino alikikola, Yesu lw'aliva mu igulu ni yeeyoleka ni bamalaika be abakola eby'amaani.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Abaheburayi 12:18

Timwidhie ng'Abaisiraeli bwe baaja ku lusozi Sinai olusobola okugemwaku era olwaka omuliro. Era timwidhie ya nzikiiza egemye bedimudimu, oba ya kiwunga,

Abaheburayi 12:26

Ku olwo eiroboozi lye lyatengeesa ensi, aye ku luno yeesoomera ati: “Kabiri ndidha kwiramu okutengeesa, ti nsi yonka aye n'eigulu.”

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

Okwolekebwa 15:8

Eisinzizo lyaidhula omwosi oguva ku kitiisa kye, ni ku bukumu bwe nga ghazira asobola kwingira mu isinzizo okutuusa ebibamba omusanvu ebya bamalaika omusanvu nga biwoire.

Okwolekebwa 9:2

Emuunienie eyo yaigulagho olwina olwo, omwosi gwava mu lwina olwo ng'oti n'oguva mu luyiira olunene einho, gwaidhula mu mpewo mwonamwona n'endhuba yairugala.

Abalamuzi 5:5

Musisi yatengeesa ensozi mu maiso ga Musengwa Katonda ow'e Sinai, Musengwa Katonda oyo Katonda owa Isiraeli.