Okuvaayo 19:17 - Baibuli Ekibono kya Katonda 2014

¹⁷ Olwo Musa yaalagira abantu bave mu weema dhaibwe baje baagaanane ni Katonda. Baaja baayemerera ghansi gh'olusozi.

Okuvaayo 19:17 ပူးပေါင်းရင်းမြစ်များ

Okuvaayo 19:13

Era ghatabaagho amugemaku naire, aye bamukube bwa mabaale oba okumulasa n'akalaso afe. Kino kitwalizaamu abantu era n'ensolo. Endeka bw'efuuwa omukuzi omulala guti nga muleeyiriri, abantu baseete y'olusozi.”

Okuvaayo 19:16

Olunaku olwokusatu ku nkyo ghaabaagho okutyabuka n'okumyansa okw'olukuba, n'ekire ekigemu kyaidha ku lusozi, era ghaabaagho n'okuvuga okw'endeka okw'amaani einho. Abantu boonaboona, nga bali mu weema dhaibwe, baatya inho baadhugumira.

Okuvaayo 19:18

Olusozi Sinai lwaidhula omwosi, kuba Musengwa Katonda yalwikaku ng'ali mu muliro. Era omwosi ogwaluvangaku okuja ghaigulu nga guli ng'oti n'oguva mu kifo aghookerwa ebiwumbe olusozi lwonalwona lwatengeeta bubi inho.

Abalevi 9:5

Ebyo byonabyona Musa bye yalagira, baabireeta emberi w'Eweema ey'Okwagaananirangamu ni Musengwa Katonda. Abaisiraeli boonaboona baaseeta, baayemerera mu maiso ga Musengwa Katonda.

Ebikolwa by'Abatume 7:38

N'oyo eyali n'Abaisiraeli nga beesoloiza mu irungu. Yali ni malaika yaayogera naye ku lusozi Sinai. Yali ni badhaadha baife era n'eyafuna ebibono bya Katonda eby'obulamu asobole okubitukobera.

Amateeka Agokubiri 4:10

olunaku lwe mwayemerera mu maiso ga Musengwa Katonda waimwe ku lusozi Sinai. Ku olwo Musengwa Katonda lwe yankoba ati, ‘Nsololeza abantu baidhe. Nhenda bawulire bye nja okubakoba, beege okuntyanga n'okumpuliranga enaku dhoonadhoona edh'obulamu bwaibwe, era beegerese n'abaana baibwe okukolanga batyo boona.’

Amateeka Agokubiri 4:11

“Mukoberenga abaana baimwe nga bwe mwaseeta ni mwemerera ghansi gh'olusozi olwali lughembeibwa ebire ebigemu eby'omwosi omwirugavu, ni lwaka omuliro ni gweruupiika okutuuka ni ku igulu.

Amateeka Agokubiri 5:5

Mu biseera ebyo nze nayemerera ghagati waimwe ni Musengwa Katonda, okubakobera bye yali ali kubakoba. Kuba mwatya omuliro, mwaloba kuniina lusozi. Musengwa Katonda yaakoba ati: