Okuvaayo 19:16 - Baibuli Ekibono kya Katonda 2014

¹⁶ Olunaku olwokusatu ku nkyo ghaabaagho okutyabuka n'okumyansa okw'olukuba, n'ekire ekigemu kyaidha ku lusozi, era ghaabaagho n'okuvuga okw'endeka okw'amaani einho. Abantu boonaboona, nga bali mu weema dhaibwe, baatya inho baadhugumira.

Okuvaayo 19:16 ပူးပေါင်းရင်းမြစ်များ

2 Samueli 22:10

Yaigulagho eigulu yaika ku nsi nga ghansi gh'ebigere bye ghaligho ekire ekiirugavu bezigizigi.

2 Ebyomubyanda 5:14

nga bakabona tibakaasobola kusigalamu kukola gwa bugheereza olw'ekire ekyo, kuba ekitiisa kya Katonda kyabuna woonawoona mu isinzizo.

Yobu 38:25

Naani eyatema ku igulu emyeta amaadhi mwe gabita okuyuyika, oba eyataagho engira ey'olukuba?

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Zabbuli 81:8

Imwe abantu bange, mumpulire nga ndi kubalamba; iwe Isiraeli, ngoli ompulirisa kyandibaire kikalamu.

Zabbuli 97:4

Olukuba lwe lumyansa lwamulisa ensi; ensi yaalubona yaatengeeta.

Okuvaayo 19:11

olwadhuuzi babe nga beetegefu, kuba ku olwo nze Musengwa Katonda ndiika ku lusozi Sinai ng'abantu boonaboona babona.

Okuvaayo 19:15

Yaabakoba ati: “Olwadhuuzi mube nga muli beetegefu, abasaadha mulobe kuba na bakazi mu buliri.”

Okuvaayo 19:17

Olwo Musa yaalagira abantu bave mu weema dhaibwe baje baagaanane ni Katonda. Baaja baayemerera ghansi gh'olusozi.

Okuvaayo 19:9

Agho Musengwa Katonda yaamukoba ati: “Ndidha kwidhira mu kire ekigemu, abantu baghange okuwulira nga ndi kwogera n'iwe, okuva olwo bakwikirizenga buliidho.” Musa, kabiri yaakobera Musengwa Katonda ebyo abantu bye bairamu.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Okuvaayo 20:21

Era abantu baasigala nga bakaayemereire ghala, aye Musa ng'ali kuseeta y'ekire ekigemu Katonda mwe yali.

Okuvaayo 40:34

Agho ekire kyaidha kyaghemba ku Weema ey'Okwagaananirangamu ni Musengwa Katonda, era ekitiisa kya Musengwa Katonda kyaidhula Eweema eyo.

Okuvaayo 9:23

Kale Musa yaaghanika omwigo gwe ng'agusonse ku igulu. Musengwa Katonda yaasindika ku nsi okumyansa, n'olukuba, n'omugozi, byagwira ensi Misiri.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Nahumu 1:3

Musengwa Katonda alwagho okusungughala, era ali n'obuyinza obutaloodheka. Musengwa Katonda taleka muntu aliku musango nga tamubonereiza. Musengwa Katonda gh'atambulira ghabaagho kiwunga n'empewo eyeezungulula n'amaani. Era ebire, n'ebiba enkungu ebigere bye ye bisiikuula ng'ali kutambula.

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Amateeka Agokubiri 5:5

Mu biseera ebyo nze nayemerera ghagati waimwe ni Musengwa Katonda, okubakobera bye yali ali kubakoba. Kuba mwatya omuliro, mwaloba kuniina lusozi. Musengwa Katonda yaakoba ati:

Abaheburayi 12:21

Bwenebwene ebyabonebwa byali bitiisa inho, ni Musa yaatuuka okukoba ati: “Ntiire inho naadhugumira.”

Okwolekebwa 1:10

Ku lunaku lwa Musengwa, Mwoyo yandidhaku, naawulira e mugongo wange amamiro ag'amaani nga gali ng'oti ndeka.

Okwolekebwa 11:19

Eisinzizo lya Katonda ery'omu igulu lyaigulwagho n'Esanduuku ey'Endagaano ye, yaaboneka mu isinzizo omwo. Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta, n'omugozi omungi.

Okwolekebwa 4:1

Ebyo bwe byawa, naabona olwigi olwigule mu igulu. Era n'amamiro ge nali nsoose okuwuliraku agaali ng'oti ndeka gankoba gati: “Niina ghano, nkwoleke ebiri n'okubaagho oluvainhuma lwa bino.”

Okwolekebwa 4:5

Ku kityamo eky'obwakyabazinga ekyo nga kuvaaku okumyansa okw'eigulu, okududumuka, n'okutyabuka okw'olukuba. Emberi waakyo nga ghaligho ebisiki ebiri kwaka, era nga bino n'emyoyo omusanvu egya Katonda.

Okwolekebwa 8:5

Malaika oyo yaatoola ekiniokezebwaku obubbaani ekyo, yaakiidhuza omuliro ng'agutoola ku alutaari, yaakisuula ku nsi. Agho ghaabaagho okutyabuka okw'olukuba, okududumuka, okumyansa okw'eigulu, n'ensi okutengeeta.