Okuvaayo 18:7 - Baibuli Ekibono kya Katonda 2014

⁷ Musa yaaja yaakuba amakiryaivu yaamusangaaza, yaamala yaasituka, yaamunhwegera baalamusagania, olwo baingira mu weema ya Musa.

Okuvaayo 18:7 ပူးပေါင်းရင်းမြစ်များ

Amainhama 14:17

Aburamu bweyaira ng'amaze okughangula Kedorilaomeri ni bakyabazinga be yali yeeyimbye nabo, kyabazinga wa Sodoma yaaja mu Kiiko eky'e Shave era ekyetebwa Ekiiko ekya Kyabazinga okumweisuusaayo.

Amainhama 18:2

Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,

Amainhama 19:1

Bamalaika ababiri bwe baatuuka e Sodoma eigulo eryo, Loti yali ng'atyaime ku mulyango gwa Sodoma. Olwababona ati, yaasituka okuja okubasangaaza. Yaakutama n'ekyeni kyatuuka ku itaka,

Amainhama 29:13

Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona.

Amainhama 31:28

Tiwanganha na kwevumba ku baidhukulu bange ni baghala bange nga mbasiibula. Ekyo wakola kya busiru.

Amainhama 43:26

Yosefu bweyaira eka, baganda be baamuleetera mu ndhu ebirabo bye baali nabyo, era baamukubira amakiryaivu.

Amainhama 45:15

Yosefu yaagwa baganda be boonaboona mu bifuba, ng'ali kulira amaziga. Ebyo bwe byawa, baganda be baatoolera okughaya naye.

Amainhama 46:29

Yosefu yaategeka ekigaali kye eky'omu lutalo, y'aja e Gosheni okwagaanana ni Isiraeli ise. Bwe baayagaanana, Yosefu yaagwa ise mu kifuba, era yaalira amaziga okumala entangama.

2 Samueli 11:7

Uria bwe yatuuka ye Daudi, Daudi yaamubuuza Yoabu n'abalwani bwe bali, n'olutalo bwe luli kuja.

1 Bakyabazinga 2:19

Kale Bathisheba yaaja ye kyabazinga Solomoni okwogererayo Adoniya. Kyabazinga yaasituka okusangaaza inhina ng'akutaimeku. Yaatyama ku kityamo kye eky'obwakyabazinga. Yaalagira baaleetera inhina ekityamo, inhina yaatyama ku luuyi olw'omukono omusaadha olwa kyabazinga.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Okuvaayo 18:6

Yaamugheereza obukwenda ati: “Nze mukoirume wo Yethuro, ndi kwidha y'oli ni mukazi wo, ni batabane bo bombi.”

Okuvaayo 33:7

Mperaano buli Abaisiraeli ghe baasimbanga weema dhaibwe, nga Musa ataagho eweema nga yeeswireku akata okuva agho. Eweema eyo ng'agyeta Eweema ey'Okwagaananirangamu ni Musengwa Katonda. Era kiisi eyayendanga okwebuuza ku Musengwa Katonda ng'aja ye Weema eyo.

Okuvaayo 4:27

Musengwa Katonda yaakoba Aaroni ati: “Ja mu irungu osangaaze Musa.” Kale yaaja yaayagaana Musa ng'ali ku lusozi lwa Katonda. Era bweyamwagaana yaamugwa mu kifuba.

Okubala 22:36

Balaki bweyawulira nga Balaamu aidhie, yaaja okumusangaaza mu kibuga kya Moabu ekiri ku mbali kw'omwiga Arunoni, aghasemberayo irala ku nsalosalo.

Luka 7:45

Tonnhwegeire naku, aye ono okuviira irala bwe nhingiire talekeire kunhwegera bigere byange.

Ebikolwa by'Abatume 20:37

Boonaboona baalira, baamwevumba, baamunhwegera.

Ebikolwa by'Abatume 28:15

Aboluganda ab'omu Roma bwe baamanha baidha ku katale ka Appio ni ku Bisulo Ebisatu, okutusangaalira. Paulo bwe yababona yeebaza Katonda, yaaguma omwoyo.

Abalamuzi 11:34

Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

1 Samueli 17:18

Era twalira n'omuduumizi ebitole bino eikumi eby'omuzigo omugemu. Ja obone baganda bo bwe bali era ondeetere akamanhiso okuva ye bali.”

1 Samueli 17:22

Daudi yaatoola ebintu bye yatwala, yaabirekera omukuumi w'eiterekero, mwene yaalumuka okutuuka ku igye, yaaja yaalamusa baganda be.