Okuvaayo 18:1 - Baibuli Ekibono kya Katonda 2014

¹ Yethuro omusaadha eyazaalanga muka Musa era nga kabona ow'e Midia, yaawulira byonabyona Katonda bye yakolera Musa, Abaisiraeli boonaboona, n'abantu be, bweyali ng'ali kubatoola mu Misiri.

Okuvaayo 18:1 ပူးပေါင်းရင်းမြစ်များ

Zabbuli 105:43

Kale yaatoola abantu be mu nsi omwo nga basangaavu, abantu be abo be yeerondera baavaamu nga bemba.

Zabbuli 105:5

Muteerabiranga ebyewuunhio, n'eby'amaani bye yakola era n'ensala ye yasalamu emisango,

Zabbuli 106:2

Naani asobola okulomboodha n'amalayo eby'amaani Musengwa Katonda by'akola? Naani asobola okumusaaka nga bw'agwaine okusaakibwa?

Zabbuli 34:2

Nze neenhumiriza mu Musengwa Katonda, imwe abadaazibwadaazibwa muwulire era musangaale.

Zabbuli 44:1

Wo Katonda waife, twawulira n'amatu gaife nga badhaadha baife batukobera ebyo bye wakolanga mu nnaku dhaibwe, mu biseera ebyabita.

Zabbuli 78:4

Tituja kubigisa baana baife, tuja kukobera abo ab'oluse olwidha, eby'amaani Musengwa Katonda bye yakola ebimuleetera okusaakibwa, n'ebyewuunhisa bye yakola.

Okuvaayo 2:16

Mperaano, kabona ow'e Midia yali ni baghala be musanvu, era boona baidha ku nsulo okwo okusena amaadhi baidhuze ebintu byaibwe ensolo mwe dhinhwera, baghange okunhwesa ebyayo bya lata waibwe.

Okuvaayo 2:18

Bwe bairayo ye lata waibwe Yethuro, yaababuuza ati: “Musoboire mutya okwira amangu mutyo olwaleero?”

Okuvaayo 2:21

Agho Musa yaabona ng'amaka ag'omusaadha oyo malungi ga kubaamu. Era omusaadha oyo yaamugha mughala we Zippori.

Okuvaayo 3:1

Agho Musa bweyali ng'ali kwaya ebyayo bya Yethuro mukoirume we eyamuzaaliranga mukazi we, era nga Yethuro oyo ni kabona w'e Midia, yabitambuza mu irungu e bugwandhuba yaabituusa ni ku lusozi lwa Katonda olwetebwa Horebu.

Okuvaayo 4:18

Agho Musa yairayo eka ye Yethuro mukoirume we eyamuzaaliranga mukazi we, yaamukoba ati: “Nkusaba ondeke ndhireyo e Misiri y'ab'eighanga lyange, mbone oba nga bakaali balamu.” Yethuro yaamwiramu ati: “Tuuka bukalamu.”

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Okubala 10:29

Agho Musa yaakoba mukoirume we Hobabu, mwanhina mukazi we era mutabane wa Reweli Omumidia ati: “Tuli kumpi okusimbuka okuja mu kifo Musengwa Katonda waife kye yakoba okutugha. Kale kola oje n'ife tugabane ku birungi bye tuja okufuna, kuba Musengwa Katonda yasuubiza Isiraeli ebirungi.”

Ebikolwa by'Abatume 14:27

Bwe baatuuka mu Antiokia baasoloza Ekikunsu ky'Abaikiriza mu Kurisito, baabakobera byonabyona Katonda bye yabakozesa era nga bw'alaze abamaghanga agandi engira ey'okwikiriza.

Ebikolwa by'Abatume 15:12

Agho abaali mu lwekobaano boonaboona baasirika baawulirisa Barunaba ni Paulo nga babalomboodhera obumanhiso n'ebyewuninkiriza byonabyona Katonda bye yabakozesa mu bamaghanga agandi.

Ab'e Roma 15:18

Ndidha kuguma ndhogere ku ebyo byonka Kurisito bye yankolera okusobozesa abamaghanga agandi okugondera Katonda. Yakozesa ebibono byange n'ebikolwa byange

Yoshua 2:10

Kuba twawulira nga Musengwa Katonda yakaliiza Enhandha Emyufu bwe mwagituukaku nga muva e Misiri. Era twawulira bye mwakola bakyabazinga Abamori abaali e buvandhuba ew'omwiga Yorudani: Sihoni ni Ogi be mwazikiriza.

Yoshua 9:9

Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.

Abalamuzi 1:16

Agho baidhukulu b'omusaadha Omukeni, eyali lata wa muka Musa, nga bali ghalala n'ab'ekika kya Yuda, baava e Yeriko, ekibuga eky'emiti eminaazi. Baaja mu irungu lya Buyudaaya eriri mu kiketezo ekikalukalu eky'oku luuyi olw'omukono omusaadha olw'e buvandhuba okumpi ni Aradi. Baasenga eyo mu Bamaleki.

Abalamuzi 4:11

Mu kiseera ekyo, Heberi Omukeni yali yeeyawire ku Bakeni baine, baidhukulu ba Hobabu mwanhina muka Musa. Era yali ng'amaze okusimba weema ye aghali omuti omukologho mu Zonannimu, okumpi n'e Kedeshi.