Okuvaayo 17:6 - Baibuli Ekibono kya Katonda 2014

⁶ Nze ndidha kuba nga ndi eyo ku lusozi Horebu emberi waimwe. Oidha kukuba olubaale era amaadhi gaidha kuvaamu, abantu ge baghanga okunhwa.” Musa yaakola atyo ng'abakulu ab'ebikunsu mu Isiraeli babona.

Okuvaayo 17:6 ပူးပေါင်းရင်းမြစ်များ

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Zabbuli 105:41

Yakuba olubaale lwayawuka, mwafukumukamu amaadhi, gaakuuluula mu irungu ng'oti mwiga;

Zabbuli 114:8

oyo afuula aghabaire olubaale ni ghabaagho ekidiba eky'amaadhi, era n'afuula aghabaire eibaale eikalangafu ni ghaidhagho enhindo edhivaamu amaadhi agakuuluula.

Zabbuli 46:4

Eriyo omwiga oguli n'emyala egireeta eisanhu mu kibuga kya Katonda, agho mu ndhu entukuvu aghali oyo Ali Ghaigulu Yeene.

Zabbuli 74:15

Wayatisa entanda mwavaamu enhindo dh'ensulo n'obwiga; ate waakaliiza emiiga egitakaliirangaku.

Zabbuli 78:18

Baaleba Katonda mu bugenderevu nga bamusaba emere olw'amairu gaibwe.

Zabbuli 78:20

Kituufu yakuba olubaale mwavaamu amaadhi gaatiiriika, n'emiiga gyakuuluula, gyabanda n'okubanda aye asobola okutufunira emere, oba okutufunira emamba ife abantu be?”

Zabbuli 81:7

Bwe mwali mu buzibu mwansaba, era naabawonia, naabairamu nga neegisiisa mu kire eky'amaadhi n'olukuba, naabaleba nga muli ku maadhi ag'e Meriba.

Okuvaayo 14:16

Iwe toola omwigo gwo, ogusonke ku nhandha, amaadhi gaidha kwegabaniamu ghabiri, Abaisiraeli baghange okubita mu nhandha nga batambulira ku itaka ikalu.

Okuvaayo 16:10

Aaroni bweyali ali kwogera eri Abaisiraeli, baaja okulinga bati mu irungu, nga babona ekitiisa kya Musengwa Katonda nga kibonekera mu kire.

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Okubala 20:8

“Toola omwigo gwo, osoloze abantu boonaboona ng'oli ghalala ni muganda wo Aaroni. Memale okobe olubaale luveemu amaadhi gaalwo, nga boonaboona babona. Olwo oidha kutoola amaadhi mu lubaale, oghe abantu banhwe n'ebyayo byaibwe.”

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

1 Ab'e Korintho 10:4

era baanhwanga eky'okunhwa kirala eky'omwoyo. Baanhwanga ku lubaale olw'omwoyo olwatambulanga nabo, era olubaale olwo ni Kurisito.

Amateeka Agokubiri 1:2

Omuntu kimutwalira enaku ikumi na lulala okutambula n'ebigere, okuva ku lusozi Sinai ng'ali kubitira mu nsi Edomu, okutuuka e Kadeshi Barinea.

Amateeka Agokubiri 8:15

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.