Okuvaayo 17:4 - Baibuli Ekibono kya Katonda 2014

⁴ Kale Musa yaalirira Musengwa Katonda ati: “Wo Musengwa Katonda, nkole ntya abantu bano? Babulaku katono okunkuba amabaale nfe.”

Okuvaayo 17:4 ပူးပေါင်းရင်းမြစ်များ

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Okuvaayo 14:15

Musengwa Katonda yaakoba Musa ati: “Lwaki oli kundirira okubayamba? Koba abantu beeyongereyo mu lugendo lwaibwe.

Okuvaayo 15:25

Musa yaalirira Musengwa Katonda, era Musengwa Katonda yaamwoleka omuti. Musa yaasuula omuti ogwo mu maadhi, amaadhi gaawooma. Mu kifo ekyo era Musengwa Katonda yaabagheeragho amateeka n'ebiragiro, era yaabaleba.

Okubala 11:11

Musa yaakoba Musengwa Katonda ati: “Wo Musengwa Katonda, lwaki ombisiisa obubi otyo nze omugheereza wo? Lwaki onsungughaliire, n'ontwika obuvunaanizibwa obw'abantu abo boonaboona?

Okubala 14:10

Aye abantu boonaboona abeesoloza baayenda bwa kubakuba mabaale. Agho ekitiisa kya Musengwa Katonda kyabonekera Abaisiraeli boonaboona ku Weema ey'Okwagaananirangamu ni Musengwa Katonda.

Okubala 16:19

Kora yaasoloza abantu boonaboona, baayemerera ku mulyango ogw'Eweema eyo nga balingiriire Musa ni Aaroni. Agho ekitiisa kya Musengwa Katonda kyabonekera abantu boonaboona.

Yoanne 10:31

Agho Abayudaaya kabiri baalonda amabaale bagamukube.

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Ebikolwa by'Abatume 14:19

Agho ghaabaagho Abayudaaya abaava mu Antiokia ni mu Ikonio baasendasenda abantu baakuba Paulo amabaale, baamukulula, baamufulumya mu kibuga nga badhuuba bati afiire.

Ebikolwa by'Abatume 7:50

Ti ninze eyakola ebyo byonabyona?’

1 Samueli 30:6

Daudi yaaba mu buzibu obutaloodheka, kuba abantu baakoba okumukuba amabaale. Abantu boonaboona baali banakughavu, nga balumirwa batabane baibwe ni baghala baibwe. Aye Daudi yaafuna amaani mu kwesiga Musengwa Katonda we.