Okuvaayo 17:14 - Baibuli Ekibono kya Katonda 2014

¹⁴ Musengwa Katonda yaakoba Musa ati: “Obughanguzi obwo bughandiike mu kitabo bulobe kwerabirwa. Era okobere Yoshua oti ndidha kuzikiriza Abamaleki mbamaliregho irala.”

Okuvaayo 17:14 ပူးပေါင်းရင်းမြစ်များ

2 Samueli 1:1

Agho Saulo ng'amaze okufa, Daudi yaira e Zikulaga ng'amaze okutirimbula Abamaleki, yaabayooku enaku eibiri.

2 Samueli 8:12

Edomu, Moabu, Ammoni, Filisitia, ni Amaleki. N'omunhago gwe yatoola ku kyabazinga Hadadezeri ow'e Zoba mutabane wa Rehobu, gwona yaagughaayo gwaba gwa Musengwa Katonda.

1 Ebyomubyanda 4:42

Ebikumi bitaanu ku abo baaja ku lusozi Seiri, nga bakulembeirwamu batabane ba Ishi bano: Pelatia, Nearia, Refaia, ni Uzzieli.

1 Ebyomubyanda 4:43

Eyo baitirayo Abamaleki abaali bawoniegho nga balumukiireyo, beene baasengayo ni ye buli eno.

Ezera 9:14

Kale tughanga tutya okwiramu okudheemera ekiragiro kyo ni tufumbiraganwa n'abantu abo abakola ebintu ebyo ebyenhinhalwa? Leero tolitusungughalira n'otuzikiriza ni ghabulagho awonagho naire omulala ati?

Yobu 18:17

Balimwerabirira irala ku nsi, ghaabulagho amwidhukira naire.

Yobu 19:23

“Ngoli okwemuluguunhia kwange kughandiikiibwa, ni kukubwa mu kitabo!

Zabbuli 9:6

Abazigu bawoiregho ebyanda n'ebyanda, ebibuga byaibwe wabizikiriza, era tibaja kwidhukirwa naire.

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 17:13

Mu nsambo eyo yaaghangula Abamaleki.

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Okuvaayo 32:33

Aye Musengwa Katonda yaamwiramu ati: “Eriina ly'oyo ansobiiza n'akola ekibi, lye ndidha okusasa mu kitabo kyange.

Okuvaayo 34:27

Agho Musengwa Katonda yaakoba Musa ati: “Ghandiika ebibono ebyo, kuba nja kukola endagaano n'iwe, n'Abaisiraeli boonaboona, nga njiira ku bibono ebyo.”

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Yeremia 30:2

“Ghandiika mu kitabo ebintu byonabyona bye nkukobeire,

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Okubala 24:20

Agho Balaamu ng'akaali mu kubonekerwa, yaabona Abamaleki era yaayogera ebibono eby'obulanzi bino, ati: “Abamaleki n'eighanga eryali lisinga agandi goonagoona, aye ku nkomerero lija kuzikirizibwa.”

Okubala 33:2

Musa yajanga ng'aghandiika buli kifo kye baavangamu okweyongerayo mu lugendo lwaibwe, nga Musengwa Katonda bweyamulagira. Era bino n'ebifo nga bwe byairaganwangaku.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”

1 Samueli 15:18

Yaakutuma okukola omulimo ng'akoba ati, ‘Ja ozikirize abakozi ab'ebibi abo, Abamaleki, ng'obalwanisa okutuusa lw'olibaita n'obamalagho.’

1 Samueli 30:1

Agho Daudi n'abasaadha be baatuuka e Zikulaga ku lunaku olwokusatu. Baayagaana nga Abamaleki balumbye ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, era nga balumbye n'ekibuga Zikulaga baakighangula, baakyokya omuliro.

1 Samueli 30:17

Agho nga buli kuziba, Daudi yaabalumba yaabalwanisa okutuusa eigulo ery'olunaku olwairirira. Ghazira yawonagho okutoolaku abaisuka ebikumi ebina (400) abaaniina engamiya ni balumukagho.