Okuvaayo 16:7 - Baibuli Ekibono kya Katonda 2014

⁷ Enkyo ku nkyo mwidha kubona ekitiisa kya Musengwa Katonda, kuba awuliire bye mumwemuluguunhiaku buliidho. Okwemuluguunhia okwo tikusobola kwidha ku ife, kuba katyo ife niife baani?”

Okuvaayo 16:7 ပူးပေါင်းရင်းမြစ်များ

Okuvaayo 16:10

Aaroni bweyali ali kwogera eri Abaisiraeli, baaja okulinga bati mu irungu, nga babona ekitiisa kya Musengwa Katonda nga kibonekera mu kire.

Okuvaayo 16:12

“Mpuliire okwemuluguunhia okw'abantu Abaisiraeli. Bakobe oti, ‘Eigulo mwidha kulya mamba, era enkyo mulye emere mwigute, olwo mutegeere nga ninze Musengwa Katonda waimwe.’ ”

Okuvaayo 16:8

Era Musa yaabakoba ati: “Ogw'eigulo Musengwa Katonda aidha kubagha emamba ey'okulya, era enkyo abaghe emere mulye mwigute, kuba Musengwa Katonda oyo awuliire bye mumwemuluguunhiamu. Bwe mwemuluguunhia muba timuli kukoba ife, aye muba muli kukoba Musengwa Katonda, kuba katyo ife niife baani?”

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Okuvaayo 24:16

Olusozi Sinai lwaidhula ekitiisa kya Musengwa Katonda era ekire kyalughembaku okumala enaku mukaaga. Ku lunaku olwomusanvu Musengwa Katonda ng'ali mu kire, yaayeta Musa.

Okuvaayo 40:34

Agho ekire kyaidha kyaghemba ku Weema ey'Okwagaananirangamu ni Musengwa Katonda, era ekitiisa kya Musengwa Katonda kyaidhula Eweema eyo.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Abalevi 9:6

Musa yaakoba ati: “Musengwa Katonda abalagiire okukola kino, memale ekitiisa kye ekimesunkana kibabonekere.”

Okubala 14:10

Aye abantu boonaboona abeesoloza baayenda bwa kubakuba mabaale. Agho ekitiisa kya Musengwa Katonda kyabonekera Abaisiraeli boonaboona ku Weema ey'Okwagaananirangamu ni Musengwa Katonda.

Okubala 14:27

“Abantu bano abakozi b'ebibi, balirekera li okuneemuluguunhiza? Mpuliire okwemuluguunhia kwaibwe, kwatuuka n'okunsina.

Okubala 16:11

Kale mukimanhe muti, iwe ni baino boonaboona muli kudheemera Musengwa Katonda mwene kuba, katyo Aaroni naani memale mumwemuluguunhize?”

Okubala 16:42

Bwe beesoloza boonaboona okwemuluguunhiza Musa ni Aaroni batyo, baaja okulinga y'Eweema ey'Okwagaananirangamu ni Musengwa Katonda, nga babona ekire kigighembyeku, era ekitiisa kya Musengwa Katonda kyaboneka.

Okubala 17:5

Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Yoanne 11:4

Yesu bwe yakiwulira yaakoba ati: “Obulwaire obwo tibwakumwita, aye bwidhie okuleetera Katonda ekitiisa, era n'Omwana wa Katonda yeena afune ekitiisa.”

Yoanne 11:40

Yesu yaamukoba ati: “Tyakukobeire nti wandiboine ekitiisa kya Katonda nguli oikiriza?”