Okuvaayo 16:3 - Baibuli Ekibono kya Katonda 2014

³ “Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Okuvaayo 16:3 ပူးပေါင်းရင်းမြစ်များ

2 Samueli 18:33

Agho kyabazinga enaku yaamugema ey'amaani. Yaaja ghaigulu mu kimante ekyali ku mulyango ogw'ekibuga, yaalira amaziga. Yaaja nga bw'alira ati: “Woowe omwana wange Abusalomu, omwana wange, omwana wange Abusalomu. Nze nandifiire mu kifo kyo. Woowe Abusalomu omwana wange, omwana wange!”

Yobu 3:1

Ebyo bwe byawa, Yobu yaatoolera okwogera, yaakolima olunaku lwe yazaalirwaku.

Yobu 3:10

Kuba obwire obwo bwaleka maama yaatoola enda yange, bwandeetera okudaagadaaga n'enaku nti.

Yobu 3:20

Kigasa ki okuleka abantu abali mu nnaku, ni basigala nga bakaali balamu, n'okuleka abo abadaazibwadaazibwa okuba mu butangaavu?

Zabbuli 107:5

Endhala yaabaluma n'endiwo yaabagema, beegomba okutyama bamale gafiira agho!

Zabbuli 78:19

Baayogera bubi ku Katonda, bati: “Katonda asobola okutufunira emere mu irungu?

Zabbuli 78:25

Katonda yaagha abantu emere baalya baalekerera abantu baalya ku mere ya bamalaika.

Okuvaayo 14:11

Beemuluguunhiza Musa nga bakoba bati: “Lwa kuba mu Misiri yali ezira magombe ganditumaze kutuziikamu, kye wava n'otutoolayo twidhe tufiire eno mu irungu? Watukola ki kino okututoola mu Misiri?

Okuvaayo 17:3

Aye abantu olw'okuba baali ndiwo, nga bazira maadhi ga kunhwa, baaja mu maiso n'okwemuluguunhiza Musa nga baamukoba bati: “Lwaki watutoola e Misiri okutwisa endiwo, ife n'abaana baife, n'ensolo dhaife?”

Okuvaayo 2:23

Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yeremia 42:14

Ka twejiire e Misiri tube eyo, tulobe kubona ntalo, waire okuwulira amagwala agalaalika entalo, oba waire okufa endhala olw'okubulwa emere’,

Yeremia 44:17

Twidha kwongera okukolanga byonabyona bye tweyama okukola. Twidha kuniokezanga obubbaani omusambwa gwaife omukazi, ogwetebwa Kyabazinga Omukazi ow'Eigulu, era twidha kugughanga ebigheebwayo ebifukibwa. Ebyo twidha kubikolanga, ng'oti niife beene bwe twabikolanga, era ng'oti ni badhaadha baife, ni bakyabazinga baife, n'abakungu baife, bwebaabikolanga mu bibuga eby'e Buyudaaya ni mu nguudo edh'omu Yerusalemu kuba mu biseera ebyo twabanga n'emere kamaala, nga buli kintu kitujiira bukalamu, era nga tuzira bizibu naire.

Okulira 4:9

Abaafumitibwanga empiima baafanga bulungiku okusinga abaafanga endhala; kuba bano baalambukanga mpola okutuusa lwe baafanga, olw'okubulwa emere ey'okubabeesaagho nga balamu.

Okubala 11:15

Bw'oba ng'otyo bw'oidha okumbisanga, mala gansaasira ondhite mangu mpegaano, ndobe kutuuka ku kudaagadaaga.”

Okubala 11:20

aye mwidha kugirya omwezi mulamba okutuusa lw'eribafulumira mu nhindo n'ebasemba ku mwoyo. Ebyo bija kuba bityo kuba mwava ku Musengwa Katonda ali mu imwe, mwamwemuluguunhiza muti kale lwaki twava e Misiri?’ ”

Okubala 14:2

Beemuluguunhiza Musa ni Aaroni nga bakoba bati: “Nguli twafiira mu nsi Misiri, oba ni tufiira ghano mu irungu, ekyo n'ekyandisinze!

Okubala 14:3

Lwaki Musengwa Katonda ali kututwala mu nsi eyo okufiira mu lutalo? Bakazi baife n'abaana baife baidha kufuuka munhago! Okwirayo e Misiri ti n'ekyandisinzeeku?”

Okubala 16:13

Okututoola mu nsi engimu era erimu ebirungi kamaala n'otuleeta okutwitira ghano mu irungu, ti kikumala? Mpegaano oli na kwenda kwefuula mufuzi waife?

Okubala 16:41

Ku lunaku olwairirira, abantu boonaboona beemuluguunhiza Musa ni Aaroni, nga bakoba bati: “Mwaise abantu ba Musengwa Katonda!”

Okubala 21:5

Kale baatoolera okwemuluguunhiza Katonda ni Musa nga bakoba bati: “Lwaki mwatutoola mu Misiri okwidha okufiira ghano mu irungu? Ghano ghazira mere waire amaadhi, era bino ebimere bitusinie.”

Ebikolwa by'Abatume 26:29

Paulo yairamu ati: “Akaseera ni bwekaba akatono oba akanene kye nsaba Katonda ni kino nti, ti iwe wenka aye n'abo boonaboona abampulirisa olwaleero, bafuuke nga nze, okutoolaku okusibibwa kuno n'endhegere.”

1 Ab'e Korintho 4:8

Mwamala okufuna buli kye mwetaaga! Mwamala ira okufuuka abakombe! Mufuuse bakyabazinga, aye nga ife tukaali! Kyandibaire kikalamu nguli bwene mubaire bakyabazinga ni tufugira aghalala n'imwe.

2 Ab'e Korintho 11:1

Nandyegombye munguminkirize ni bwemba nga ndimuuku obusiru. Bwenebwene munguminkirize.

Amateeka Agokubiri 28:67

Enkyo bwerinaatukanga mwidha kukobanga muti, ‘Ngoli lino igulo!’ Ate eigulo bwerinaatuukanga mwidha kukobanga muti, ‘Ngoli lino nkyo!’ Ebyo mwidha kubyogeranga olw'emyoyo gyaimwe okwezinduka buli kye mubona.

Amateeka Agokubiri 8:3

Yaabaleka endhala yaabaluma, aye yaamala yaabagha mannu mwalya, emere ye mwali nga timulyangaku waire badhaadha baimwe. Ekyo yakikola okubeegeresa nti omuntu taba mulamu na mere yonka, aye aba mulamu lwa buli kibono Musengwa Katonda mwene ky'ayogera.

Yoshua 7:7

Yoshua yaasaba ati: “Wo Musengwa Katonda, iwe afuga abantu boonaboona, bwenebwene lwaki watusomosa Yorudani? Obwo bwene wayenda kutughaayo mu ngalo dh'Abamori batuzikirize? Ngoli twasigala ku luuyi kule okwa Yorudani tikyandisinze?