Okuvaayo 16:28 - Baibuli Ekibono kya Katonda 2014

²⁸ Musengwa Katonda yaakoba Musa ati: “Mulirekera li okudheemera amateeka gange n'ebiragiro?

Okuvaayo 16:28 ပူးပေါင်းရင်းမြစ်များ

2 Bakyabazinga 17:14

Aye baaloba kuwulira, baaba ba mpwitu nga badhaadha baibwe bwe baakola, abaaloba okwesiga Musengwa Katonda waibwe.

2 Bakyabazinga 17:15

Baaloba kugemanga biragiro bye, waire okukuuma endagaano ye yakola ni badhaadha baibwe, era baaloba kufangayo ku kulabula, kwe yabalabulangamu. Baasinzanga ebisinzibwa ebitali Katonda ebitagasa, olwo ni beene baafuuka ebitagasa, era baajiiranga ku mpisa edh'abamaghanga agandi agabeezungulwire. Ate nga Musengwa Katonda yabalobera okwebisanga ng'oti n'abamaghanga ago.

Zabbuli 106:13

Aye beerabira mangu bye yabakolera, baalekera n'agho okumalanga okumwebuuzaaku abaghe ku magezi.

Zabbuli 78:10

Tibaakuuma ndagaano yaibwe ni Katonda era baaloba okugondera amateeka ge.

Zabbuli 78:22

kuba tibamwikiriza, waire okwesiga amaani ge agawonia.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 16:27

Agho ku lunaku olwomusanvu ghaabaagho abaagezaaku okuja okusoloza emere eyo, aye tibaayagaanayo kintu kyonakyona.

Okuvaayo 16:29

Bona eno, nze Musengwa Katonda nabagha Sabbato, era kyenva ni mbagha emere emala enaku eibiri ku lunaku olwomukaaga. Kale ku lunaku olwomusanvu buli muntu asigale ghaka aghazira kuja kukola mulimo gwonagwona.”

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Ezekieli 20:16

Neerayirira ntyo lwa kuba baava ku biragiro byange era baaloba kujiira ku mateeka gange. Baayonoona n'olunaku lwange olwa Sabbato, era baasinzanga ebitali nze Katonda.

Ezekieli 5:6

Aye abantu baamu baakola bwa bibi, baadheemera ebiragiro byange okusinga n'abamaghanga agandi, baaloba okugondera amateeka gange okusinga n'ab'ensi edhibeezungulwire. Baava ku mateeka gange, baaloba okujiira ku biragiro byange.

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Okubala 20:12

Aye Musengwa Katonda yaakoba Musa ni Aaroni ati: “Olw'okuba timubaire na kwikiriza mu nze, mwaloba kwoleka bantu bano boonaboona nga bwendi n'obuyinza, ti mwidha kubatuusa mu nsi ye nabagha.”

Mariko 9:19

Yesu yaakoba ati: “Yii, oluse luno oluzira kwikiriza! Ndituusa gha okuba n'imwe? Ndituusa gha okubaguminkiriza? Mumundeetere ghano.”