Okuvaayo 16:23 - Baibuli Ekibono kya Katonda 2014

²³ Musa yaabakoba ati: “Musengwa Katonda yalagira olwenkyo lube olunaku olw'okuwuumulira irala eyo ni Sabbato ya Musengwa Katonda entukuvu. Kale mannu yoonayoona mugifumbe lwaleero, nga mugigoya oba nga mugitogosa. Etaaliibwe lwaleero mugitereke, mugirye olwaidho.”

Okuvaayo 16:23 ပူးပေါင်းရင်းမြစ်များ

Nehemia 9:13

Wava mu igulu waika ku lusozi Sinai, waayogera nabo, waabagha endhegeresa entuufu, ey'amateeka n'ebiragiro eby'amazima.

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Okuvaayo 16:19

Era Musa yaabakoba ati: “Ezira muntu kuterekaku ku mere eyo okutuusa enkyo.”

Okuvaayo 23:12

“Oli n'enaku mukaaga dh'oghanga okukoleramu emirimo gyo, aye olwomusanvu oidhanga kuwuumula. Olwo ente dho n'endogoyi dho dhighange okuwuumula, era abairu bo, n'abamaghanga agandi abakukolera bawuumule bairemu amaani.

Okuvaayo 31:15

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Yeremia 17:22

Era batafulumyanga kintu kyonakyona mu ndhu dhaibwe ku lwa Sabbato, waire okukolanga omulimo gwonagwona ku lunaku olwo. Balukuumenga nga lutukuvu, nga bwe nalagira badhaadha baibwe.

Abalevi 23:3

“Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Okubala 11:7

Mannu eyo yalinga ng'oti n'obusigo obutono era nga langi yaayo ndheru.

Okubala 11:8

Abantu baagisolozanga, baagisanga ku mmengo oba baagisekulanga mu binu. Olwo baamalanga baagitogosa mu ntamu baafumbamu emigaati emitono egyawoomanga ng'oti n'emigaati emitono gye bafumbye n'omuzigo.

Luka 23:56

baira baategeka obuwoowo n'omuzigo. Ku lwa Sabbato baawuumula, ng'ebiragiro bwe bikoba.

Amateeka Agokubiri 5:12

“ ‘Mukuumenga olunaku lwa Sabbato nga lwange, nga nze Musengwa Katonda waimwe bwe nabalagira.

Okwolekebwa 1:10

Ku lunaku lwa Musengwa, Mwoyo yandidhaku, naawulira e mugongo wange amamiro ag'amaani nga gali ng'oti ndeka.