Okuvaayo 16:15 - Baibuli Ekibono kya Katonda 2014

¹⁵ Abaisiraeli bwe baalubona beebuuzagania beene na beene bati: “Kino ki?” Musa yaabairamu ati: “Eyo n'emere Musengwa Katonda y'abaghaire okulya.

Okuvaayo 16:15 ပူးပေါင်းရင်းမြစ်များ

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Nehemia 9:20

Wabagha omwoyo gwo omulungi gubagalagirenga eky'okukola. Tiwalekeraku kubaghanga mannu kulya, era waabaghanga amaadhi okubawonia endiwo.

Zabbuli 105:40

Baamusaba, yaabasindikira obunhonhi obuli ng'oti bukologo, yaabagha n'emere kamaala okuva mu igulu.

Zabbuli 78:24

mannu yaamagalika, baalya empeke dheene edhiva mu igulu dhe yabagha.

Okuvaayo 16:31

Abaisiraeli baayeta emere eyo mannu, ng'eri ng'oti kamuuma akatono ate nga keeru, era ng'ewooma ng'oti n'emigaati emitono gye bafumbiramu omudheenene.

Okuvaayo 16:33

Agho Musa yaakoba Aaroni ati: “Funayo ekidoome, ofukemu akaibo ka mannu, memale okite mu maiso ga Musengwa Katonda olw'okuterekera abaana n'abaidhukulu abaliiragho.”

Okuvaayo 16:4

Agho Musengwa Katonda yaakoba Musa ati: “Bona eno, nja kumagalisa emere okuva mu igulu ku lwaimwe. Era abantu baidha kujanga buli lunaku basoloze enaabamalanga olunaku olwo. Mu nsambo oti n'eyo ndidha kubaleba mbone oba nga banaajiira ku biragiro byange.

Ensambo 9:5

“Idha olye ku mere yange ye nfumbye, era onhwe ni ku mwenge gwange ogw'emizabbibu gwe mpiisiisa.

Okubala 21:5

Kale baatoolera okwemuluguunhiza Katonda ni Musa nga bakoba bati: “Lwaki mwatutoola mu Misiri okwidha okufiira ghano mu irungu? Ghano ghazira mere waire amaadhi, era bino ebimere bitusinie.”

Luka 12:30

kuba ebyo abantu ab'ensi bye basiiba nga baagala aye imwe Lata waimwe aidhi nga mubyenda.

Yoanne 6:49

Badhaadha baimwe baalya mannu mu irungu era baafa.

Yoanne 6:58

Guno ni, n'omugaati oguva mu igulu, ti nga badhaadha baimwe gwe baalya ni bafa. Ole alya ku mugaati guno aja kuba mulamu ebyanda n'ebyanda.”

1 Ab'e Korintho 10:3

Boonaboona baalyanga ku mere ndala ey'omwoyo,

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.

Amateeka Agokubiri 8:3

Yaabaleka endhala yaabaluma, aye yaamala yaabagha mannu mwalya, emere ye mwali nga timulyangaku waire badhaadha baimwe. Ekyo yakikola okubeegeresa nti omuntu taba mulamu na mere yonka, aye aba mulamu lwa buli kibono Musengwa Katonda mwene ky'ayogera.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Yoshua 5:12

Ku olwo mannu yaalekera okumagala, ng'olwo Abaisiraeli tibakaagifuna. Era okuva olwo n'okweyongerayo, nga balya mere eyalimwanga mu nsi eyo Kanaani.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.