Okuvaayo 15:9 - Baibuli Ekibono kya Katonda 2014

⁹ Omuzigu yaakoba mule ati, ‘Ka mbabinge ndidha kubaagaana, ndidha kubatoolaku omunhago nga bwe naaba nhenze; ndidha kutoolayo empiima yange mbazikirize.’

Okuvaayo 15:9 ပူးပေါင်းရင်းမြစ်များ

Amainhama 49:27

Benjamini ali ng'oti n'omusege omuswankuzi. Enkyo alya by'ayiize, eigulo yaagabaniamu by'anhaze.”

2 Samueli 22:38

Nabingirira abazigu bange naabatuukaku, naabazikiriza, era tyakyusa kwira okutuusa nga mmaze okubamulungula.

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

Okuvaayo 14:5

Abantu bwe baakobera kyabazinga ow'e Misiri bati Abaisiraeli beibyegho, kyabazinga oyo n'abakungu be baakyusa emyoyo gyaibwe, baawulira nga babaire bakeetaaga Abaisiraeli, n'okukoba bati: “Tukoze ki kino? Tulese Abaisiraeli baatweibaku, baalekera okuba abairu baife?”

Ensambo 16:19

Okwewombeeka n'oba aghalala n'abaavu, kuwula okugabana ku munhago ogw'abeekuluntaza.

Isaia 36:20

Musambwa ki, ku misambwa egy'ensi dhoonadhoona, ogwali guwoniizaaku ensi yaagwo ni gugintoola mu ngalo, memale olwo katyo mulowooze muti Musengwa Katonda asobola okuwonia Yerusalemu, yaakintoola mu ngalo?”

Isaia 53:12

Kye ndiva ni mmugha omugabo aghalala n'abakologho, yaagabana omunhago aghalala n'ab'amaani; kuba yaaghaayo obulamu bwe yaitibwa, yaabalirwa mu bamenhi ab'amateeka. Aye ate yaaba nga yeetwika ebibi eby'abantu kamaala, era yaabasabira ekisonigho.”

Yeremia 46:17

Mutuume kyabazinga wa Misiri eriina eiyaaka muti ni, ‘Kyasiikano, ayasiikana obwasiikane. Eyaleka omukisa gwe ni guja obuje gutyo.’

Habakkuku 3:14

Wafumita omuduumizi ow'abalwani be n'obulaso, ku lule lwe baidha okutusansaania nga bali ng'oti ni kiwunga ow'amaani, nga beesuuta ng'oti n'abaja okutuntuza abaavu aghazira kubakobaku naire.

Luka 11:22

Aye amusinga amaani bw'amulumba n'amughangula, amutoolaku eby'okulwanisa bye yeesiga, era yaatoola n'ebintu by'amwagaana nabyo yaabigaba.

Abalamuzi 5:30

“Bakaayagaaza munhago, na ngeri yakugugabanamu: kiisi musaadha afuneku omughala mulala oba babiri, engoye enungi dha Sisera, zeena nfuneyo ebinhere eby'omu nkoto ebidholige.”

1 Samueli 30:8

Daudi yeebuuzaaku ku Musengwa Katonda ati: “Mingirire abanhazi abo? Nnaabagema?” Musengwa Katonda yaamwiramu ati: “Babingirire, kuba bwenebwene oidha kubagema era onunule abanhage.”