Okuvaayo 15:8 - Baibuli Ekibono kya Katonda 2014

⁸ Wafuuwa omuuka okuva mu nhindo yo amaadhi geebunga emungo, amaadhi amangi gaayemerera ng'oti kimante; amaadhi ag'oku ntobo ey'enhandha geegema, gaakalanguka ng'oti ibaale.

Okuvaayo 15:8 ပူးပေါင်းရင်းမြစ်များ

2 Samueli 22:16

Musengwa Katonda bwe yabakaabukira, n'empiriito ey'omuuka ogw'omu nhindo dhe n'ewulirwa, emisingi egy'ensi gyayerulwa, n'entobo y'enhandha yaaboneka.

Yobu 4:9

Katonda abafuuwa omuuka ogw'obusungu bwe oguli ng'oti kiwunga, yaabazikiriza.

Zabbuli 33:7

Yasololeza amaadhi ag'enhandha goonagoona ghalala; amaadhi ag'oku ntobo y'enhandha yaagakuumira ghalala, ng'oti n'omuntu bw'atereka ebintu bye mu byagi.

Zabbuli 78:13

Yagabaniamu amaadhi g'enhandha ghabiri, yaageemereza ng'oti bimante eruuyi n'eruuyi yaabaleka baagabitamu ghagati.

Okuvaayo 14:29

Aye nga Abaisiraeli baabita mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 37:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

Habakkuku 3:15

Watyankirira enhandha n'embalaasi dho, waaleetera amaadhi okusiikuuka, gaafuukeera eiwovu.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Yoshua 3:16

amaadhi gaalekera okutambula, geebunga kumpi n'ekibuga Adamu ekiriiraine ekibuga Zarethani. Amaadhi agaali gaserengeta nga gaja mu Nhandha Eyomuunhu gaalekera agho, abantu baasobola okusomoka nga boolekeire Yeriko.