Okuvaayo 15:5 - Baibuli Ekibono kya Katonda 2014

⁵ Amaadhi gaabamira; baika ku ntobo ey'enhandha ng'oti mabaale.

Okuvaayo 15:5 ပူးပေါင်းရင်းမြစ်များ

Nehemia 9:11

Waleetera amaadhi g'enhandha okweyawulamu aghabiri, Abaisiraeli baabita ghagati mu nhandha ku itaka eikalu. Abo abaali bali kubabingirira waabasuula mu maadhi amaleeyi, ng'oti n'amabaale bwe gadimira mu maadhi amangi einho.

Zabbuli 106:11

Amaadhi gaafundekeza abazigu baibwe; ghaabula asigalagho waire omulala ati.

Okuvaayo 14:28

Amaadhi gairagho gaasaaniagho ebigaali eby'omu lutalo, n'abavuzi ab'embalaasi, n'abalwani ba kyabazinga boonaboona abaanonereza Abaisiraeli mu nhandha ghazira naire mulala ati eyasigalagho.

Okuvaayo 15:10

Wafuuwa amaadhi gairagho gaabasaaniagho; baadimira mu maadhi amangi ng'oti byuma bizito.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Ensambo 8:24

Nazaalibwa ng'enhandha dhikaali kubaagho, era nga n'enhindo edh'ensulo edhikuuluula dhoona dhikaali kubaagho.

Ezekieli 27:34

Aye Mpegaano enhandha ekumenhiemenhie, ebintu bye wasuubulanga byonabyona, n'abakozi bo boonaboona baadimira ghalala n'iwe mu maadhi amaleeyi.’

Yona 2:2

“Wo Musengwa Katonda, bwe nali nga ndi mu bizibu nakweta era wampulira wampa kye nakusaba. Bwenali nga mbalirwa mu bafu, tiwansiriikirira nga ndi kukulirira okumbeera.

Mika 7:19

Oidha kutugemerwa kabiri ekivunika. Oidha kutyankirira ebibi byaife n'ebigere byo, memale obisuule mu nhandha bidimire okutuukira irala ghansi ku ntobo.

Matayo 18:6

“Aye aleetera omulala ku bato bano abandhikiriza okwona, oyo ekyandiwuze n'okusibibwa olubengo mu nkoto n'asuulibwa mu nhandha ghagati.

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.